ნათია მეზვრიშვილის შეფასებით, იუსტიციის უმაღლესი საბჭოს ფუნდამენტური ცვლილებაა საჭირო

იმისთვის, რომ სასამართლო სისტემაში დამოუკიდებლობის მიმართულებით კონკრეტული ნაბიჯები გადავდგათ, პირველ რიგში მნიშვნელოვანია იუსტიციის უმაღლესი საბჭოს ფუნდამენტური ცვლილება, - ამის შესახებ პარტია „საქართველოსთვის“ წევრმა, ნათია მეზვრიშვილმა უზენაესი სასამართლოს მოსამართლეების შერჩევის პროცესთან დაკავშირებით განაცხადა.

მისივე თქმით, საბჭო არის ის ორგანო, რომელიც მართავს მთლიანად სასამართლო სისტემას და იღებს უმნიშვნელოვანეს გადაწყვეტილებებს და თუ საბჭოში ცვლილებების მიმართულებით კონკრეტული ნაბიჯები არ გადაიდგმება „ყველა დანარჩენ ცვლილებას , რასაც ხელისუფლება შემოგვთავაზებს, შედეგი ვერ ექნება“.

„ალბათ, უკვე მოვიდა დრო, რომ ვაღიაროთ რეფორმის არაერთი ტალღის მიუხედავად სასამართლო სისტემაში დამოუკიდებლობის მიმართულებით პროგრესი არ გვაქვს და ამას, რაც უფრო ადრე ვაღიარებთ მით უფრო მეტად სწრაფად გადავდგამთ შემდგომ ნაბიჯებს. ვთვლით, რომ ისევე როგორც ჩვენი საერთაშორისო პარტნიორები იმისთვის, რომ სასამართლო სისტემაში დამოუკიდებლობის მიმართულებით კონკრეტული ნაბიჯები გადავდგათ, პირველ რიგში მნიშვნელოვანია, იუსტიციის უმაღლესი საბჭოს ფუნდამენტური ცვლილება. საბჭო არის ის ორგანო, რომელიც მართავს მთლიანად სასამართლო სისტემას, იღებს უმნიშვნელოვანეს გადაწყვეტილებებს და თუ საბჭოში მანდატის, უფლებამოსილების, გავლენის ჯგუფების შესუსტების მიმართულებით კონკრეტული ნაბიჯები არ გადაიდგმება, ყველა დანარჩენ ცვლილებას, რასაც ხელისუფლება შემოგვთავაზებს, შედეგი ვერ ექნება და ეს იქნება მხოლოდ და მხოლოდ პროგრესის იმიტაცია, ისევე როგორ ბოლო პერიოდის განმავლობაში ამას ადგილი ჰქონდა.

ჩვენ კონკრეტული ინიციატივით გამოვედით გუშინ და ამას დავაინიცირებთ უახლოეს დღეებში პარლამენტში, რომ საბჭოში გადაწყვეტილება მიღებული იქნეს საბჭოს წევრთა 2/3-ით , რაც არის დამატებითი გარანტია იმისა, რომ იქ არსებული გავლენის ჯგუფის გავლენები შესუსტდეს.

ხელისუფლებამ გააკეთა განცხადება, რომ ის აპირებს გადადოს არამოსამართლე წევრების არჩევის პროცესი, რაც ცალსახად ნიშნავს იმას, რომ როგორც ჩანს, ხელისუფლებას არ აწყობს იუსტიციის უმაღლეს საბჭოში დამოუკიდებელი კანდიდატების არსებობა და ეს ხუთი წევრი სწორედ გარანტი უნდა ყოფილიყო ამისი. იმედი მაქვს, რომ უკან დახევა მოუხდება“ , - განაცხადა მეზვრიშვილმა.

ამასთან, მეზვრიშვილმა აღნიშნა, რომ აბსოლუტურად ყველა პოლიტიკურმა პარტიამ პროცესს ბოიკოტი რომ გამოუცხადოს, ისინი ამ პროცესში მონაწილობას მიიღებენ.

„ბოიკოტთან დაკავშირებით გაჟღერდა მოსაზრება და ჩვენი პოზიცია არის ცალსახა და მკაფიო. ჩვენ ხალხმა რა მანდატიც მოგვანიჭა, პარლამენტის წევრებს, ვგულისხმობ ჩვენი გუნდისას, ჩვენ ამ მანდატს შევასრულებთ და აბსოლუტურად ყველა პოლიტიკურმა პარტიამ რომ პროცესს ბოიკოტი გამოუცხადოს, ჩვენ ამ პროცესში მონაწილობას მივიღებთ. მივიღებთ იმისთვის, რომ საზოგადოებას დავანახოთ მთელი ამ მიმდინარე პროცესის მანკიერი მხარეები, თუმცა კანდიდატების კონკრეტული სახელების და გვარების მიუხედავდ, რაც არ უნდა კარგი იყოს ესა თუ ის კანდიდატი, ჩვენ ამ პროცესს მხარს არ დაუჭერთ, რადგან ვთვლით, რომ პროცესი როგორც დღეს მიმდინარეობს, მთლიანად ასუსტებს ნდობას როგორც მთლიანი პროცესის, ისე კონკრეტული ინდივიდუალური მოსამართლეების მიმართ“, - განაცხადა მეზვრიშვილმა.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა