ზესტაფონში მომხდარი მკვლელობის საქმეზე დაკავებულებს პატიმრობა შეეფარდათ. სამივე დაკავებულის პროცესი ქუთაისის საქალაქო სასამართლოში ცოტა ხნის წინ დასრულდა.

მოსამართლემ არ გაითვალისწინა ადვოკატების შუამდგომლობა და პოლიციელსაც და მამა-შვილსაც აღკვეთის ღონისძიებად პატიმრობა შეუფარდა.

29 ივნისს მომხდარი მკვლელობის ფაქტზე დაკავებულ სამივე პირს, გამოძიება სხვადასხვა მუხლით ედავება. პოლიციელს ბრალი იარაღის უკანონო გადაცემის ფაქტზე წაუყენეს. ასაკოვან კაცს განზრახ მკვლელობას, მის შვილს კი მტკიცებულების განადგურებას ედავებიან.