ოზურგეთში, მამაკაცმა პოლიციის მანქანას ნაჯახი ჩაარტყა. პოლიციამ მამაკაცი ადგილზე დააკავა.

არსებული ინფორმაციით, მამაკაცი ჯერ ეკლესიაში ნაჯახით შევარდა, სადაც ხატები და საეკლესიო ინვენტარი დააზიანა.

სამართალდამცველებმა მისი შეკავება სცადეს, რის შემდეგაც მამაკაცმა ნაჯახი პატრულის მანქანას ჩაარტყა.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს.