დიდი იმედი მაქვს, დღე ჩაივლის ისე, რომ პოლიციის ძალები შეძლებენ სიტუაციის კონტროლს, - ამის შესახებ გარემოს დაცვისა და სოფლის მეურნეობის მინისტრმა, ლევან დავითაშვილმა მთავრობის სხდომის დასრულების შემდეგ განაცხადა. როგორც დავითაშვილმა აღნიშნა, მისთვის მიუღებელია ნებისმიერი სახის ძალადობა, ნებისმიერი პირის მიმართ და მოძალადე პირების იდენტიფიცირება აუცილებლად უნდა მოხდეს.
„სამწუხაროდ, ყველა არ არის მიმართული იმისკენ, რომ ქვეყანაში არ იყოს დაპირისპირება. მიუღებელია ძალადობის ნებისმიერი ფორმის გამოხატვა, ნებისმიერი პირის მიმართ. განსაკუთრებით მიუღებელია ძალადობა მედიის წარმომადგენლების მიმართ.
უნდა მოხდეს მოძალადე პირების იდენტიფიცირება.
დიდი იმედი მაქვს, დღე ჩაივლის ისე, რომ პოლიციის ძალები შეძლებენ სიტუაციის კონტროლს. მთავრობას, რა თქმა უნდა, აქვს ინფორმაცია, რაც ხდება. შინაგან საქმეთა მინისტრს აქვს კონკრეტული გამოწვევები, ის სრულად არის ჩართული, რომ პროცესის დეესკალაცია მოხდეს",- განაცხადა დავითაშვილმა.