სამოქალაქო მოძრაობა „სირცხვილიას“ განცხადებით, „თბილისი პრაიდის“ მოწინააღმდეგეთა მხრიდან მათ ოფისზე განხორციელებული თავდასხმის შედეგად არავინ დაშავებულა.

მოძრაობა შინაგან საქმეთა სამინისტროს კანონის დაცვისა და ძალადობის აღკევთისკენ მოუწოდებს.

„მეგობრებო, მადლობა მხარდაჭერისთვის! სირცხვილიას არც ერთი აქტივისტი არ დაშავებულა და ყველანი უსაფრთხოდ ვართ. ამ აგრესიაზე პასუხისმგებლობა ეკისრება პრემიერს, რომელმაც დღევანდელი განცხადებით მწვანე შუქი აუნთო მოძალადე ჯგუფებს. შინაგან საქმეთა სამინისტრო / Ministry of Internal Affairs of Georgiaს მოვუწოდებთ დაიცვას კანონი და დაუყოვნებლივ აღკვეთოს ძალადობა“, - ნათქვამია „სირცხვილიას“ მიერ გავრცელებულ განცხადებაში.