ბათუმში ჟურნალისტებმა „პრაიდის“ მოწინააღმდეგეთა აქციაზე დაშავებულ მედიის წარმომადგენლებს სოლიდარობა გამოუცხადეს

ბათუმში სხვადასხვა მედიასაშუალების ჟურნალისტებმა, თბილისში, „პრაიდის“ მოწინააღმდეგეთა აქციაზე დაშავებულ ოპერატორებს, ჟურნალისტებსა და ფოტოგრაფებს სოლიდარობა გამოუცხადეს. როგორც შეკრებილებმა განაცხადეს, შესაბამისმა ორგანოებმა აქციისას მედიის წარმომადგენლების მიმართ განხორციელებული ძალადობა სათანადოდ ვერ აღკვეთეს.
ჟურნალისტები ხელისუფლებას მიმართავენ და მოძალადეების დასჯას მოითხოვენ.
მედიის წარმომადგენლები საქართველოს შინაგან საქმეთა სამინისტროს მოუწოდებენ, რომ ჟურნალისტებს პროფესიული საქმიანობისას ხელი არ უნდა ეშლებოდეთ და მათ ჯანმრთელობას საფრთხე არ უნდა ემუქრებოდეს.
ცნობისთვის, „თბილისი პრაიდის“ მოწინააღმდეგეების თავდასხმების შედეგად მედიასაშუალებების 50-მდე თანამშრომელი დაშავდა.

























