„სოლიდარობა ჟურნალისტებს", სოლიდარობა ჩვენს კოლეგებს" - მედიის მხარდამჭერ აქციას კახეთშიც შეუერთდნენ.
რეგიონში მომუშავე ჟურნალისტები და არასამთავრობო ორგანიზაცის წარმომადგენლები თელავში შეიკრიბნენ და 5 ივლისს მედიაზე განხორციელებული ძალადობა მდუმარე აქციით გააპროტესტეს.
აქციის მონაწილეები მიიჩნევენ, რომ დაუშვებელია ჟურნალისტებზე ფიზიკური ანგარიშსწორება და ძალადობა. ისინი მომხდარზე დროულად რეაგირებას ითხოვენ და პასუხისმგებლობას ხელისუფლებას აკისრებენ.