"ინტერპრესნიუსის" ფოტოკორესპონდენტის ექიმი - სახეზეა თავის ტვინის შერყევა, პაციენტი საჭიროებს ექიმების მეთვალყურეობის ქვეშ ყოფნას
"ინტერპრესნიუსის" ფოტოკორესპონდენტის გიორგი ნიკოლიშვილის ჯანმრთელობის მდგომარეობა, რომელსაც "თბილისი პრაიდის" მოწინააღმდეგეები ფიზიკურად გაუსწორდნენ, სტაბილურია.
როგორც „ინტერპრესიუსს“ ალადაშვილის კლინიკის ხელმძღვანელმა, ლევან ბესელიამ განუცხადა, გიორგი ნიკოლიშვილს თავის ტვინის შერყევა აღენიშნება და ექიმების მეთვალყურეობის ქვეშ რჩება.
„მდგომარეობა სტაბილურია, გაუარესებების გარეშე. ექიმების მეთვალყურეობის ქვეშ ყოფნას საჭიროებს. დამატებითი რაიმე ტიპის ჩარევა საჭირო არ არის. სახეზეა ინტრაკრანიალური ტრავმა, თავის ტვინის შერყევა. რამდენ დღეს დარჩება კლინიკაში, ეს პაციენტის ჯანმრთელობის ზოგად მდგომარეობაზეა დამოკიდებული. ჯერჯერობით ვაკვირდებით“, - აცხადებს ლევან ბესელია.
ცნობისთვის, 5 ივლისს, გიორგი ნიკოლიშვილს რამდენიმე პირი ქაშუეთის მიმდებარე ტერიტორიაზე, სამსახურეობრივი მოვალეობის შესრულებისას თავს დაესხა და სცემა. თავდასხმის შედეგად მან გონება დაკარგა.
