შინაგან საქმეთა სამინისტროს კვლავაც აქვს ძალიან დიდი გამოწვევა, რომ ვერ ახერხებს გარკვეული ჯგუფების ძალადობის შეკავებას და ეს ყველაფერი კითხვებს და ეჭვებს აჩენს, - ამის შესახებ საია-ს თავმჯდომარე ნიკოლოზ სიმონიშვილმა ჟურნალისტებს გასული ორი დღის განმავლობაში თბილისში განვითარებული მოვლენების შეფასებისას განუცხადა.

როგორც სიმონიშვილი ამბობს, შესაძლებელია, რომ ის ძალები, რომლებმაც იძალადეს ბოლო დღეებში ძალიან ბევრ ადამიანზე, მათ შორის მედიის წარმომადგენლებზე, არიან დაკავშირებული ხელისუფლებასთან.

„გუშინ ვნახეთ სამწუხარო ფაქტები. პოლიციის მოქმედებები შეიძლება უფრო ეფექტური იყო, ვიდრე გუშინწინ, მაგრამ ვერ ვიტყვით, რომ პოლიციის მოქმედებები ეფექტური იყო. შინაგან საქმეთა სამინისტროს კვლავაც აქვს ძალიან დიდი გამოწვევა, რომ ვერ ახერხებს გარკვეული ჯგუფების ძალადობის შეკავებას და ეს ყველაფერი კითხვებს და ეჭვებს აჩენს. შესაძლებელია, რომ ის ძალები, რომლებმაც იძალადეს ბოლო დღეებში ძალიან ბევრ ადამიანზე, მათ შორის მედიის წარმომადგენლებზე მიზანმიმართულად, არის დაკავშირებული ხელისუფლებასთან. ძალიან ცუდი ფაქტები ვნახეთ ჩვენ ასევე ევროკავშირის დროშის ჩამოხსნის, თან ორჯერ. ეს ყველაფერი სიმბოლური აქტია იმისა, რომ ეს ადამიანები თავს ესხმიან იმ ღირებულებებს, რომელსაც ჩვენ, ჩვენი საერთაშორისო პარტნიორები გვთავაზობენ",- განაცხადა სიმონიშვილმა.