ვაქცინაციის პროცესი უკვე დაიძრა. თანდათან იზრდება აქტიურობა, მაგრამ ტემპი, რა თქმა უნდა, არ გვაკმაყოფილებს, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ ჟურნალისტებთან განაცხადა.

მისივე თქმით, „სინოფარმით“ ვაქცინაციაზე 33 000 ჯავშანია გაკეთებული.

“ვაქცინაციის პროცესი უკვე დაიძრა. დღეს დაჯავშნილია დაახლოებით 6 000-მდე დოზა. თანდათან იზრდება აქტიურობა, მაგრამ ტემპი, რა თქმა უნდა, არ გვაკმაყოფილებს. „სინოფარმზე“, რომელიც გუშინწინ დაიწყო, გაკეთებულია 33 000 ჯავშანი, ორშაბათს და სამშაბათს აიცრა 5 000-ზე ოდნავ მეტი ადამიანი.

ეპიდვითარება, სამწუხაროდ, უარესობისკენ დაიძრა. დადებითობის მაჩვენებელი მიდის ზემოთ, ამის შეკავების ერთადერთი გზა მასობრივი ვაქცინაციაა“, - განაცხადა გამყრელიძემ.

იხილეთ ვიდეო:ამირან გამყრელიძის საგანგებო მიმართვა საზოგადოებას - "სამწუხაროდ, ბოლო დღეების განმავლობაში ეპიდვითარება უარესობისკენ დაიძრა"