ბათუმში ურთიერთშელაპარაკების ნიადაგზე 35 წლამდე მამაკაცი დაჭრეს. იგი კლინიკა "მედცენტრშია" მოთავსებული.
ექიმების ინფორმაციით, მამაკაცს ჭრილობა ფეხის არეში აქვს. მისი ჯანმრთელობის მდგომარეობა სტაბილურია.
შემთხვევა ბათუმში, ვაჟა-ფშაველას ქუჩაზე მოხდა.არსებული ინფორმაციით, ერთმანეთს ორი ადამიანი ფიზიკურად გაუსწორდა, 35 წლამდე მამაკაცი კი დაპირისპირებაში გაშველების მიზნით ჩაერთო, როდესაც ცივი იარაღით დაჭრეს. შემთხვევის ადგილზე სამართალდამცავები და ექსპერტ-კრიმინალისტები იმყოფებოდნენ.
როგორც საქართველოს შინაგან საქმეთა სამინისტროში "ინტერპრესნიუსს" განუცხადეს, გამოძიება "სისხლის სამართლის კოდექსის" 118-ე მუხლით მიმდინარეობს, რაც ჯანმრთელობის განზრახ მძიმე ან ნაკლებად მძიმედ დაზიანებას გულისხმობს.
იხილეთ ვიდეო:ბათუმში 35 წლამდე მამაკაცი ცივი იარაღით დაჭრეს