ფოთში, აღმაშენებლის ქუჩაზე, ახალგაზრდა მამაკაცი დაჭრეს. 21 წლის ბიჭს ჭრილობა ცივი იარაღით მუცლის არეში აქვს მიყენებული.

დაჭრილი მამაკაცი სასწრაფო-სამედიცინო დახმარების ბრიგადამ სენაკში კლინიკა ,,სენამედში" გადაიყვანა.

ექიმების ინფორმაციით, პაციენტის მდგომარეობა სტაბილურია.

შინაგან საქმეთა სამინისტროს ინფორმაციით, მომხდარ ფაქტზე გამოძიება სსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. უწყების ცნობით, მიმდინარეობს საგამოძიებო მოქმედებები. დაკავებული არვინ არ არის.