პარტია "ქართული ოცნების" ოფისში საპარლამენტო უმრავლესობის სხდომა დაიწყო. დეპუტატები პარტიის ოფისში ისე შევიდნენ, რომ მედიასთან არ გამოჩენილან.
არსებული ინფორმაციით, უმრავლესობის სხდომა რამდენიმე დღის წინ, პარლამენტში დაგეგმილ რიგგარეშე სესიასთან დაკავშირებით ჩაინიშნა.
ამასთან, როგორც უმრავლესობის წევრებისთვის არის ცნობილი, დღევანდელ სხდომაზე განხილვის ერთ-ერთი თემა ადგილობრივი თვითმმართველობის არჩევნები და მასთან დაკავშირებულო საკითხები უნდა იყოს.
ამ ეტაპზე უცნობია, შეიცვლება თუ არა უმრავლესობის სხდომის დღის წესრიგი "ტვ პირველის" ოპერატორის ლექსო ლაშქარავას გარდაცვალების გამო.
პარალელურად „ქართული ოცნების“ ოფისთან იკრიბებიან სამოქალაქო აქტივისტები, რომლებიც “ტვ პირველის“ ოპერატორის გარდაცვალების ფაქტთან დაკავშირებით პასუხისმგებლობას საქართველოს ხელისუფლებას აკისრებენ.