აჭარის მთავრობის სახლთან ხმაურია. ოპოზიციის წევრები და სამართალდამცველები ერთმანეთს ფიზიკურად დაუპირისპირდნენ.
"ნაციონალური მოძრაობის" წევრები აჭარის მთავრობის შენობაზე და ასევე, გზის სავალ ნაწილზე წარწერებს აკეთებდნენ - „მკვლელი ხელისუფლება“, რასაც დაპირისპირება მოყვა.
აქციის წევრები აცხადებენ, რომ ხელისუფლებამ თბილისში 5 ივლისს განვითარებულ მოვლენებზე და ოპერატორის გარდაცვალების საქმეზე პასუხისმგებლობა უნდა აიღოს და „ქართული ოცნების“ მაღალი თანამდებობის პირები, რომლებმაც 5 ივლისს ვერ დაიცვეს ჟურნალისტები, თანამდებობიდან უნდა გადადგნენ. ისინი პასუხისმგებლობას პრემიერ-მინისტრს აკისრებენ.
ცნობისთვის, “ტვ პირველის” ოპერატორი, ლექსო ლაშქარავა გარდაიცვალა. ლაშქარავას 5 ივლისს "თბილისი პრაიდის" მოწინააღმდეგეები ფიზიკურად გაუსწორდნენ.
