ბათუმში სხვადასხვა მედიასაშუალების ჟურნალისტებმა საპროტესტო აქცია გამართეს.როგორც შეკრებილებმა განაცხადეს, ტელეკომპანია „პირველის“ ოპერატორის გარდაცვალებაზე პასუხისმგებლობა ხელისუფლებამ უნდა აიღოს.
ამასთან, მათი აზრით, 5 ივლისს, თბილისში განვითარებულ მოვლენებზე გამოძიება დროულად უნდა ჩატარდეს.
„მედიას ვერ დააშინებენ, ამით ვერ გაგვაჩერებენ. ერთად დგომა ძალადობას დაამარცხებს. მომხდარზე პასუხისმგებელია ხელისუფლება, რომელიც მოძალადეებთან თანამშრომლობს“ , - აცხადებს აჭარის ტელევიზიისა და რადიოს ჟურნალისტი ირინა ყურუა.