თქვენ ხედავთ დიდ მოლოდინს და სურვილს, რომ დიდი ტრაგედია გადააქციონ დიდი რევანშის შესაძლებლობად, რაც ვერ მოხდება,- ამის შესახებ აჭარის მთავრობის თავმჯდომარე თორნიკე რიჟვაძემ ჟურნალისტებთან საუბრისას განაცხადა. იგი თბილიში განვითარებულ მოვლენებს გამოეხმაურა და აღნიშნა, რომ ტრაგედიებს დესტრუქციული ძალები იყენებენ.

„მიმაჩნია დიდ ამორალობად, როცა კონკრეტული ტრაგედიით ხდება მანიპულირება მაშინ, როცა გარდაცვალების მიზეზი არ არის დადგენილი. მათ შორის კოლეგის და თანამოქალაქის პატივისცემა მოითხოვს, რომ დაველოდოთ ჩვემ იმ კონკრეტულ შედეგებს, რომელიც ექსპერტიზის შედეგად იქნება მოწოდებული.

რაც შეეხება დესტრუქციული ძალების სურვილებს ყველა ჯერზე, როცა სხვადასხვა მიზეზით ტრაგედია ხდება ქვეყანაში - გადადგეს პრემიერი ან შეიცვალოს მთავრობა, ბუნებრივია ამის ლეგიტიმური საფუძველი არ არსებობს.

თქვენ ხედავთ მოლოდინს და სურვილს, რომ დიდი ტრაგედია დიდი რევანშის შესაძლებლობად გადააქციონ, რაც ვერ მოხდება, ვერ განხორციელდებ.ა ჩვენ სრულად ვმუშაობთ იმ გამოწვევებზე, რომელიც ამ ქვეყანას აქვს. ბუნებრივია ყველა ამ გამოწვევას პრემიერის ხელმძღვანელობით, ღირსეულად გავართმევთ თავს",- აცხადებს რიჟვაძე.