ლევან იოსელიანის განცხადებით, უზენაესი სასამართლოს მოსამართლეობის ღირსეულმა კანდიდატებმა მხარდაჭერა ვერ მოიპოვეს

„მოქალაქეების“ დეპუტატის, ვიცე-სპიკერ ლევან იოსელიანის თქმით, უზენაესი სასამართლოს მოსამართლეობის ღირსეულმა კანდიდატებმა მხარდაჭერა ვერ მოიპოვეს, ხოლო ისინი, რომელთა შესახებ კომიტეტმა რეკომენდაცია გასცა, ძირითადად არ იმსახურებენ მხარდაჭერას. აღნიშნულის შესახებ იოსელიანმა პლენარულ სხდომაზე კანდიდატურებისთვის კენჭისყრის დაწყებამდე განაცხადა.

„არ შემიძლია ჩემი აზრი არ გამოვთქვა ამ საკითხთან დაკავშირებით, ვინაიდან ერთი კვირა ვესწრებოდი ამ განხილვებს და ჩემი აზრით, იურიდიულმა კომიტეტმა მხარი არ დაუჭირა ორ ძალიან ღირსეულ კანდიდატს, ეკა ზარნაძეს და ქეთევან მესხიშვილს. ზოგადად მიმაჩნდა, რომ ეს პროცესი არ იყო საერთოდ განსახილველი და არ უნდა შემდგარიყო, მაგრამ პარლამენტმა მაინც მიიღო გადაწყვეტილება და მოუსმინა ამ კანდიდატებს. ამ მოსამართლეებში არიან ადამიანები, რომლებიც არ იმსახურებენ მხარდაჭერას, რადგან მათ სახელებთან არის დაკავშირებული ძალიან ბევრი საქმე, რომელიც წინა ხელისუფლების დროს იქნა მიღებული გადაწყვეტილებები და ამის შესახებ აღნიშნულია სტრასბურგის გადაწყვეტილებებში“, - განაცხადა იოსელიანმა.

ცნობისათვის, პარლამენტმა უზენაესი სასამართლოს მოსამართლეობის 9 კანდიდატიდან 6 დაამტკიცა, რომელსაც იურიდიულმა კომიტეტმა რეკომენდაცია გაუწია. რიგგარეშე პლენარულ სხდომაზე ქეთევან მესხიშვილის, ეკა ზარნაძის და გიორგი შავლიაშვილის კანდიდატურები ჩააგდეს. პარლამენტმა მხარი დაუჭირა გოჩა აბუსერიძის, გიორგი გოგიაშვილის, ლევან თევზაძის, რევაზ ნადარაიას, ბიძინა სტურუას და ლაშა ქოჩიაშვილის კანდიდატურებს. სხდომას ოპოზიციიდან მხოლოდ „მოქალაქეები“, პარტია „საქართველოსთვის“ დეპუტატები და „ევროპელი სოციალისტები“ ესწრებოდნენ.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე