აჭარის მთავრობის სახლთან დაპირისპირებისას 4 პირია დაკავებული

საქართველოს შინაგან საქმეთა სამინისტროს თანამშრომლებმა აჭარის მთავრობის სახლთან გამართულ აქციაზე, სადაც ფიზიკური დაპირისპირება მოხდა, ოთხი პირი ადმინისტრაციული სამართალდარღვევის ფაქტზე დააკავეს.

"ერთიანი ნაციონალური მოძრაობის" აჭარის ორგანიზაციის ლიდერის ელგუჯა ბაგრატიონის განცხადებით, დაკავებულია აჭარის უმაღლესი საბჭოს დეპუტატი და „ერთიანი ნაციონალური მოძრაობის“ ბათუმის ორგანიზაციის თავმჯდომარე გიორგი კირთაძე, სამოქალაქო აქტივისტი ბაჩუკი ჩხეიძე და მისი შვილი თემურ ჩხეიძე, ასევე, მოძრაობის – „შენთან ერთად“ წევრი ირაკლი ძიძიგური.

ელგუჯა ბაგრატიონის თქმით, დაკავებულების ნაწილი ქობულეთში არიან გადაყვანილი.

დღეს აჭარის მთავრობის სახლთან, სადაც ოპოზიციის წევრები საპროტესტო აქციას მართავდნენ, ფიზიკური დაპირისპირება მოხდა.

ერთმანეთს აქტივისტები და სამართალდამცველები მას შემდეგ დაუპირისპირდნენ, რაც საპროტესტო აქციის მონაწილეებმა პროტესტის ნიშნად აჭარის მთავრობის შენობის კედლები წითელი საღებავებით შეღებეს, შეძახილებით: „მკვლელებო წადით!“.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 26.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
საქართველოს რეგიონალური პოზიციონირება ყარაბაღის კონტექსტის გათვალისწინებით: ცალკეული ასპექტები
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა