„ლექSOSთვის", „დაისაჯონ დამნაშავეები“, - ამ ლოზუნგებით ბათუმში სხვადასხვა მედიასაშუალების ჟურნალისტები და ოპერატორები აქციას მართავენ. მედიის წარმომადგენლები 5 ივლისს განვითარებული მოვლენების დროს ჟურნალისტებზე თავდასხმაში მონაწილე პირების დასჯას ითხოვენ.
მათი თქმით, პოლიტიკური პასუხისმგებლობა ხელისუფლებას ეკისრება.
„ვითხოვთ ყველა დამნაშავე პირის გამოვლენას და დასჯას. ასევე, იკვეთება შინაგან საქმეთა სამინისტროსა და პრემიერ-მინისტრის უპასუხისმგებლობა“, - განაცხადა TV 25 -ის საინფორმაციო სამსახურის უფროსმა სულხან მესხიძემ.