აჭარის მთავრობის სახლთან გუშინ გამართულ აქციაზე დაკავებული 4 პირი ხელწერილის საფუძველზე გაათავისუფლეს.
როგორც აღნიშნულმა პირებმა განაცხადეს, დაკავებისას სამართალდამცავებმა ძალას გადაამეტეს და დაკავების მიზეზი მათ არ განუმარტეს.
დაკავებულთა შორის აჭარის უმაღლესი საბჭოს "ერთიანი ნაციონალური მოძრაობის" წევრი გიორგი კირთაძეც იყო.
ცნობისთვის, გუშინ აჭარის მთავრობის სახლთან, სადაც ოპოზიციის წევრები საპროტესტო აქციას მართავდნენ, ფიზიკური დაპირისპირება მოხდა.
ერთმანეთს აქტივისტები და სამართალდამცველები მას შემდეგ დაუპირისპირდნენ, რაც საპროტესტო აქციის მონაწილეებმა პროტესტის ნიშნად აჭარის მთავრობის შენობის კედლები წითელი საღებავებით შეღებეს.