„ლელო“ „ქართული ოცნების“ ოფისთან გამართულ აქციაზე მათი პარტიის წევრის, თაზო დათუნაშვილის დაკავებას ეხმაურება

„ლელო საქართველოსთვის“ „ქართული ოცნების“ ოფისთან გამართულ აქციაზე მათი პარტიის წევრის, თაზო დათუნაშვილის დაკავებას ეხმაურება.

როგორც „ინტერპრესსნიუსს“ პარტიიდან აცნობეს, დათუნაშვილის პროცესი ამ დრომდე არ დანიშნულა.

„სამართალდამცავებმა „ქართული ოცნების" ოფისთან გამართულ აქციაზე გუშინ, სამოქალაქო აქტივისტები დააკავეს. დაკავებულთა შორის „ლელოს" ერთ-ერთი წევრი, თაზო დათუნაშვილია, რომელსაც 173-ე მუხლით, პოლიციელის კანონიერი მოთხოვნისადმი დაუმორჩილებლობას ედავებიან და მისი სასამართლო პროცესი ამ დრომდე არ ჩანიშნულა.

პოლიტიკური პარტია „ლელოს“ წევრების თქმით, არ არსებობს კანონიერი დასაბუთება იმისა, თუ რატომ არ გამოუშვეს ხელწერილით თაზო დათუნაშვილი, მისი დატოვება არანაირ აუცილებლობას არ წარმოადგენდა. უკანონობასთან ერთად, „ქართული ოცნება“ ცდილობს მიმართოს ერთგვარ დასჯის მცდელობას, სამოქალაქო აქტივისტებისა და პოლიტიკოსების მიმართ და ამ ქმედებით დააშინოს ისინი.

რამდენიმე თვის წინ შეცვლილი კანონმდებლოს მიხედვით, 24 საათის ნაცვლად სამართალდამცავებს უფლება აქვთ 48 საათის განმავლობაში გააჩერონ დაკავებულები წინასწარი დაკავების იზოლატორში. სამოქალაქო აქტივისტებმა აღნიშნული კანონმდებლობა შეაფასეს, როგორც მათი დევნის ინსტიტუტი”, - ნათქვამია „ლელოს“ ინფორმაციაში.

პარტიის იურისტის, თორნიკე ართქმელაძის განცხადებით, დათუნაშვილის დაკავებისას პოლიციამ არაპროპორციული ძალა გამოიყენა.

„დაკავებულია თაზო დათუნაშვილი, მას პოლიციელის კანონისადმი დაუმორჩილებლობას ედავებიან. დაკავების დროს გამოიყენეს არაპროპორციული ძალა, რისი აუცილებლობაც ნამდვილად არ იყო. გარდა ამისა, საკმაოდ დიდი ხნის განმავლობაში არ მეძლეოდა მასთან შესვლის საშუალება და რაც მთავარია, არავითარი აუცილებლობა არ იყო, რომ ის აქ გადმოეყვანათ გუშინ ღამე და მთელი ღამე აქ გაეტარებინა.

უკანონობასთან ერთად არის ერთგვარი დასჯის მცდელობა სამოქალაქო აქტივისტებისა და პოლიტიკოსების მიმართ. უნდათ, რომ დააშინონ, მაგრამ ასეთი მოქმედებებით ვერავის ვერ დააშინებენ ისინი", - განაცხადა თორნიკე ართქმელაძემ.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“