ხულოში, სოფელ წაბლანაში ხანძრის შედეგად ორი საცხოვრებელი სახლი დაიწვა. შემთხვევის შედეგად არავინ დაშავებულა. ხანძარი ამ დროისთვის ლიკვიდირებულია.

დაზარალებული შაინიძეების ოჯახი თავს მეზობლებს აფარებს. მათი თქმით, ხანძრის შედეგად საყოფაცხოვრებო ნივთები მთლიანად განადგურდა.

ფაქტს ხულოს მერიის შესაბამისი კომისია შეისწავლის და დაზარალებულებს დახმარებას გაუწევს.