ზუგდიდში, ლაღიძის ქუჩაზე ახალი საბავშვო ბაღის მშენებლობა დასრულდა

ლტოლვილთა დანიის საბჭომ, ლაღიძის ქუჩაზე ახალი საბავშვო ბაღის მშენებლობა დაასრულა და ზუგდიდის მუნიციპალიტეტს სრულ საკუთრებაში გადასცა.

ამის შესახებ „ინტერპრესნიუსს“ ზუგდიდის მერიიდან აცნობეს.

აღნიშნულ დოკუმენტს დღეს ზუგდიდის მუნიციპალიტეტის მერის მოვალეობის შემსრულებელმა კონსტანტინე კაკავამ და ლტოლვილთა დანიის საბჭოს საქართველოს წარმომადგენლობის დირექტორმა ვინსენტ დონტომ მოაწერეს.

შეხვედრას ზუგდიდის მუნიციპალიტეტის საკრებულოს თავმჯდომარე მამუკა წოწერია, დანიის ლტოლვილთა საბჭოს დასავლეთ საქართველოს სამხარეო მენეჯერი მზევინარ ჯოჯუა და მერიის წარმომადგენლები ესწრებოდნენ.

ადგილობრივი ხელისუფლების წარმომადგენლებმა ლტოლვილთა დანიის საბჭოს მხარდაჭერისთვის და მუნიციპალიტეტში განხორციელებული პროექტებისთვის მადლობა გადაუხადეს.

ლაღიძის ქუჩაზე ახალი საბავშვო ბაღის მშენებლობა პროექტის ,,ეკონომიკური მონაწილეობა, საცხოვრებლით უზრუნველყოფა და სოციალური ინფრასტრუქტურა იძულებით გადაადგილებულ პირთა და მასპინძელი თემებისთვის“ ფარგლებში, გერმანიის განვითარების ბანკის (KFW) ფინანსური მხარდაჭერით განხორციელდა.

დღესვე, კონსტანტინე კაკავამ და ლტოლვილთა დანიის საბჭოს წარმომადგენლებმა, ლაღიძის ქუჩაზე ახალი საბავშვო ბაღი დაათვალიერეს, რომელიც ახალ სასწავლო წელს გაიხსნება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს