დაავადებათა კონტროლის ცენტრის შიდა ქართლის რეგიონული ოფისის ხელმძღვანელი - რეგიონში მნიშვნელოვნად იმატა კორონავირუსის შემთხვევების რაოდენობამ

ეპიდემიოლოგიური კუთხით, შიდა ქართლში ნამდვილად საყურადღებო მდგომარეობაა, - ამის შესახებ დაავადებათა კონტროლის ცენტრის შიდა ქართლის რეგიონული ოფისის ხელმძღვანელმა ეკა ქორჩაშვილმა განაცხადა.

ქორჩაშვილის ინფორმაციით, 1-ლი ივლისიდან დღემდე რეგიონში კოვიდ 19-ის 550 დადასტურებული შემთხვევა დაფიქსირდა.

„ეპიდემიოლოგიური კუთხით, შიდა ქართლში ნამდვილად საყურადღებო მდგომარეობაა, 1-ლი ივლისიდან დღემდე გვაქვს კოვიდ 19-ის 550 დადასტურებული შემთხვევა. არის „კლასტერებიც“, იმატა შემთხვევების რაოდენობამ, დადებითობის მაჩვენებელი მომატებულია, შესაბამისად, რეგიონში არსებული ეპიდემიოლოგიური მდგომარეობა ნამდვილად საყურადღებოა.

რაც შეეხება ვაქცინაციას, შიდა ქართლში აცრილია 12 429 პირი, მათ შორის, პირველი დოზით აცრილია 7 574, მეორე დოზით კი - 4 855 მოქალაქე. ამ ეტაპზე, აცრაზე ვიზიტი დაჯავშნილი აქვს 1 337 ადამიანს“, - განაცხადა ეკა ქორჩაშვილმა.

ბოლო 24 საათის განმავლობაში, შიდა ქართლში კორონავირუსით ინფიცირების 48 დადასტურებული შემთხვევა გამოვლინდა. შიდა ქართლის მასშტაბით, თვითიზოლაციაში იმყოფება 782 მოქალაქე.

ბაკურ კვაშილავა - 19 აპრილის შეთანხმებიდან მმართველი გუნდის გამოსვლა არ ნიშნავს იმას, რომ იგი არ არსებობს - თუ მათ ხმების 43% ვერ მიიღეს, „ქართულ ოცნებას“ მოუწევს ვადამდელი არჩევნების დანიშვნა
ქართული პრესის მიმოხილვა 02.08.2021
ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ვიქტორ ყიფიანი - მოქმედება თუ უმოქმედობა: ასარჩევი აი ეს არის
ურთიერთთანამშრომლობის მემორანდუმი კავკასიის უნივერსიტეტს და ქეჯის ბიზნესის სკოლას შორის
"თიბისის" აპლიკაციების კონკურსი იწყება
კავკასიის უნივერსიტეტის და ნიუ ჯერსის უნივერსიტეტის ერთობლივი ორმაგი ხარისხის პროგრამა