საქსტატის მონაცემებით, 2021 წლის იანვარ-ივნისში საქართველოში საგარეო სავაჭრო ბრუნვა წინა წლის შესაბამის პერიოდთან შედარებით 20.7%-ით გაიზარდა

საქსტატის მონაცემების მიხედვით, 2021 წლის იანვარ-ივნისში საქართველოში საქონლით საგარეო სავაჭრო ბრუნვა წინა წლის შესაბამის პერიოდთან შედარებით 20.7%-ით გაიზარდა და 6 209.7 მლნ. აშშ დოლარს შეადგეს.

საქსტატის ინფორმაციით, 2021 წლის იანვარ-ივნისში უმსხვილესი საექსპორტო ქვეყნების სამეულია - ჩინეთი, რუსეთი და აზერბაიჯანი.

„2021 წლის იანვარ-ივნისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 6 209.7 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 20.7%-ით მეტია. აქედან ექსპორტი 1 884.7 მლნ. აშშ დოლარს შეადგენს (25.2%-ით გაიზარდა), ხოლო იმპორტი 4 325.0 მლნ. აშშ დოლარს (18.9%-ით მეტია).

საქართველოს უარყოფითმა სავაჭრო ბალანსმა, 2021 წლის იანვარ-ივნისში, 2 440.3 მლნ. აშშ დოლარი შეადგინა, რაც საგარეო სავაჭრო ბრუნვის 39.3%-ია.

2021 წლის იანვარ-ივნისში ათი უმსხვილესი საექსპორტო ქვეყნის წილმა საქართველოს მთლიან ექსპორტში 77.9% შეადგინა. უმსხვილესი საექსპორტო სამეული შემდეგნაირად ჩამოყალიბდა: ჩინეთი (289.9 მლნ. აშშ დოლარი), რუსეთი (263.7 მლნ. აშშ დოლარი) და აზერბაიჯანი (244.4 მლნ. აშშ დოლარი).

2021 წლის იანვარ-ივნისში ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 68.5% შეადგინა. პირველ სამეულში შედის: თურქეთი (779.6 მლნ. აშშ დოლარი), რუსეთი (466.1 მლნ. აშშ დოლარი) და ჩინეთი (362.8 მლნ. აშშ დოლარი).

2021 წლის იანვარ-ივნისში ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 70.4 პროცენტი შეადგინა. ქვეყნის უმსხვილესი სავაჭრო პარტნიორები არიან: თურქეთი (944.1 მლნ. აშშ დოლარი), რუსეთი (729.8 მლნ. აშშ დოლარი) და ჩინეთი (652.6 მლნ. აშშ დოლარი)“,- ნათქვამია საქსტატის მიერ გავრცელებულ ინფორმაციაში.

მათივე მონაცემების მიხედვით, 2021 წლის იანვარ-ივნისში სასაქონლო ჯგუფებიდან საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა 391.0 მლნ. აშშ დოლარით, რაც მთელი ექსპორტის 20.7%-ს შეადგენს.

„მეორე ადგილს იკავებს მსუბუქი ავტომობილები 205.4 მლნ. აშშ დოლარით (მთლიანი ექსპორტის 10.9%),ხოლო მესამე ადგილზეა ფეროშენადნობები 186.3 მლნ. აშშ დოლარით (9.9%).

უმსხვილესი საიმპორტო სასაქონლო ჯგუფი 2021 წლის იანვარ-ივნისში წარმოდგენილი იყო მსუბუქი ავტომობილების სახით, რომლის იმპორტმა 371.4 მლნ. აშშ დოლარი და მთელი იმპორტის 8.6% შეადგინა. მეორე ადგილს იკავებდა სპილენძის მადნები და კონცენტრატები 335.5 მლნ. აშშ დოლარით (იმპორტის 7.8 პროცენტი), ხოლო მესამე ადგილზეა ნავთობი და ნავთობპროდუქტები 327.2 მლნ. აშშ დოლარით (იმპორტის 7.6%)“,- ნათქვამია ინფორმაციაში.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით