TIDA-ს ივლისის სესიის თემა - „მანქანური დასწავლის მოდელების მონიტორინგი“ იქნება

„თიბისის“ მხარდაჭერით, TIDA-ს (Tblisi International Data Analytics) ფარგლებში, ონლაინ სესია ივლისის თვეშიც გაიმართება. ამის შესახებ „ინტერპრესნიუსს“ „თიბისიდან“ აცნობეს.

მათივე ინფორმაციით, ამჯერად, მონაცემთა ანალიტიკით დაინტერესებული პირებისთვის სესიას მანქანური დასწავლის ინსტრუქტორი, კომპანია Evidently AL-ის თანადამფუძნებელი, ემილი დრალი გაუძღვება და ის მანქანური დასწავლის მოდელების მონიტორინგის შესახებ გაუზიარებს აუდიტორიას ინფორმაციას. სესია 20 ივლისს, 19:00 საათზე, ონლაინ პლატფორმა Zoom-ში, ინგლისურ ენაზე გაიმართება.

„თიბისის“ ცნობით, შეხვედრა შემდეგი საკითხების განხილვას დაეთმობა: როგორ იკლებს მოდელის სიზუსტე დროთა განმავლობაში, როგორ შეიძლება მოდელის სიზუსტის მონიტორინგი და რა მეტრიკებს უნდა ვადევნოთ თვალი, როგორია ადრეული მონიტორინგის მეთოდოლოგია, რომლის მიხედვითაც ადრეულ ეტაპზე შეილება მოდელის სიზუსტის კლების დადგენა.

„მანქანური დასწავლის მოდელის სიცოცხლის ციკლი მისი გაწვრთნისას მხოლოდ იწყება. ყველა მოდელი ცვალებად გარემოში მუშაობს და რაც მეტად იცვლება გარემო, მით მეტად იკლებს მოდელის შედეგების სიზუსტე. იმისთვის, რომ რეალურ გარემოში დანერგილი მოდელების ნდობა შევძლოთ, საჭიროა მათი მუდმივი მონიტორინგი და მათი ხელახალი გაწვრთნისა და განახლებისთვის მზადყოფნა", - განაცხადა ემილი დრალიმ.

„TIDA-ს ონლიან სესიაზე დასწრება უფასოა. დაინტერესებულ პირებს რეგისტრაციის გავლა შემდეგ ბმულზე - https://www.research.net/r/TIDA_Registration შეუძლიათ, რის შემდეგაც ისინი მონაწილეობისთვის საჭირო მონაცემებს ელექტრონულ ფოსტაზე მიიღებენ.

TIDA ბიზნესმონაცემთა ანალიტიკის პირველი კონფერენციაა რეგიონში და მის მიზანს მონაცემთა ანალიტიკის პროფესიონალებისა და ანალიტიკის გამოყენებით დაინტერესებული ბიზნესების წარმომადგენლების გაერთიანება წარმოადგენს, საერთაშორისო მასშტაბით. TIDA-ს ფარგლებში განიხილება, როგორ უნდა შექმნას ბიზნესმა რეალური ღირებულების მომტანი მონაცმეთა ანალიტიკა. კონფერენციის, ისევე როგორც ონლაინ სესიების მიზანი თემის გარშემო არსებული უახლესი ინფორმაციის გაზიარება და გაცვლაა. TIDA-ს მხარდამჭერია „თიბისი “,- აღნიშნულია ინფორმაციაში.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე