აჭარაში კორონავირუსის საწინააღმდეგო ვაქცინა ამ დროისთვის საერთო ჯამში 38 562 პირმა გაიკეთა. აჭარის ა/რ ჯანდაცვის სამინისტროს ინფორმაციით, „ფაიზერით“ აიცრა 4536 ადამიანი, „ასტრაზენეკათი“ - 6328, „სინოფარმით“ - 15 050 და „სინოვაკით“ -12 648 მოქალაქე.
სამინისტროს ინფორმაციით, აჭარაში გასული 24 საათის განმავლობაში კორონავირუსის 205 ახალი შემთხვევა გამოვლინდა.
კრიტიკულად მძიმედ, მართვით სუნთქვაზე 3 პაციენტი იმყოფება. კოვიდკლინიკებში კი 238 პაციენტი მკურნალობს. ონლაინ კლინიკაში 420 და კოვიდ სასტუმროში კი 393 პირია მოთავსებული.