მარნეულში ყოფილი სიძის მერ დაჭრილი ქალი და ცოლის ძმა კლინიკიდან გაწერეს. როგორც „ჯეო ჰოსპიტალსის“ კლინიკურმა დირექტორმა ტატა შენგელიამ განაცხადა, ქალს დაუმუშავდა დაზიანებები, რის შემდეგ კლინიკა დატოვა.
„0:45 წუთზე ჩვენს კლინიკაში მოიყვანეს გარდაცვლილი 26 წლის ქალი და 50 წლის მამაკაცი. მათ თითო ჭრილობა ჰქონდათ თავის არეში. რაც შეეხება გარდაცვლილი ქალის დედას, მას ჰქონდა ცეცხლსასროლი იარაღით ზედა კიდურის დაზიანება და მოტეხილობა. დაუმუშავდა ჭრილობა, რის შემდეგაც დღეს, სახლში გავწერეთ“, - აცხადებს ტატა შენგელაია.
რაც შეეხება კიდევ ერთ დაჭრილს, ის მარნეულის „ავერსის“ კლინიკაში იყო გადაყვანილი. როგორც კლინიკაში განაცხადეს, მამაკაცს მარჯვენა მკერდის არეში გამავალი ჭრილობა აღენიშნებოდა. გადაუდებელი დახმარების შემდეგ ის 2 საათში გაწერეს. "ამჟამად ის სტაბილურ მდგომარეობაშია და მის სიცოცხლეს საფრთხე არ ემუქრება", - განაცხადა "ავერსის" კლინიკის ემერჯენსის უფროსმა, ხათუნა ებრალიძემ.
შეგახსენებთ, რომ მამაკაცმა ყოფილი ცოლი, 27 წლის ქალი და სიმამრი ცეცხლსასროლი იარაღით მოკლა, სიდედრი და ცოლის ძმა კი დაჭრა.
მოკლულ ქალს 3 არასრულწლოვანი შვილი დარჩა. შსს-ს ინფორმაციით, მამაკაცი უკვე დაკავებულია.