ამბროლაურში, რეგიონული ჯანდაცვის ცენტრში საყოველთაო ვაქცინაციის პროცესი მიმდინარეობს. ამის შესახებ ინფორმაციას რაჭა-ლეჩხუმისა და ქვემო სვანეთის სახელმწიფო რწმუნებულის ადმინისტრაცია ავრცელებს.
მათივე ცნობით, სახელმწიფო რწმენებული პაპუნა მარგველიძე ვაქცინაციის მიმდინარეობის პროცესს პირადად გაეცნო და კლინიკის მენეჯერისგან მოისმინა დეტალური ინფორმაცია მოქალაქეების მიმართვიანობასა და ჩართულობის შესახებ.
„სპეციალურად გახსნილ კაბინეტში მოქალაქეები ყველა რეგულაციისა და წესის დაცვით იცრებიან.
საყოველთაო ვაქცინაციის პროცესში დღეს სხვადასხვა სფეროს წარმომადგენლები ჩაერთნენ.
რაჭა-ლეჩხუმისა და ქვემო სვანეთის რეგიონში ვაქცინაცია 4 დაწესებულებაშია შესაძლებელი და პროცესში ჩართულია 4 ამცრელი ბრიგადა.
COVID-19-ის საწინააღმდეგო ვაქცინაცია ინფექციისაგან თავდაცვის ეფექტური და უსაფრთხო საშუალებაა!“ - ნათქვამია ინფორმაციაში.