იმერეთში სახელმწიფო რწმუნებულმა ზვიად შალამბერიძემ და ქუთაისის მერმა იოსებ ხახალეიშვილმა ტურიზმის კერძო სექტორთან სამუშაო შეხვედრა გამართეს. ამის შესახებ ინფორმაციას ქუთაისის მერია ავრცელებს.

მათივე ინფორმაციით, შეხვედრის თემა ტურისტული ინფრასტრუქტურის განვითარება და სამომავლო გეგმები იყო, რომლის განხორციელებაც ქუთაისსა და იმერეთის სხვადასხვა მუნიციპალიტეტში ცენტრალური ხელისუფლების აქტიური ჩართულობით იგეგმება.

„ევროკავშირის პროექტის - "საპილოტე რეგიონებში ინტეგრირებული განვითარების პროგრამის ფარგლებში ორი წლის განმავლობაში იმერეთის რეგიონისთვის 69 მილიონია განსაზღვრული.

სახელმწიფო რწმუნებულმა და ქუთაისის მერმა ქალაქისა და რეგიონის მასშტაბით დაგეგმილ ტურისტულ ინფრასტრუქტურასთან დაკავშირებით პრეზენტაციები წარმოადგინეს. შეხვედრა კითხვა-პასუხის რეჟიმში წარიმართა.

ღონისძიება "DMO იმერეთის" ორგანიზებით ჩატარდა.

ტურიზმის სფეროს წარმომადგენლებთან შეხვედრა ვანის არქეოლოგიურ მუზეუმში გაიმართა, სადაც მუზეუმის ტურიც მოეწყო“, - ნათქვამია გავრცელებულ ინფორმაციაში.