აჭარაში კორონავირუსის საწინააღმდეგო ვაქცინა საერთო ჯამში 41 386 პირმა გაიკეთა.

აჭარის ა/რ ჯანდაცვის სამინისტროს ინფორმაციით, „ფაიზერით“ - 5370, „ასტრაზენეკათი“ - 6598, „სინოფარმით“ - 16 584 და „სინოვაკით“ -12 834 მოქალაქე აიცრა.

უწყების ცნობით, აჭარაში გასული 24 საათის განმავლობაში კორონავირუსის 240 ახალი შემთხვევა გამოვლინდა.

ჯანდაცვის სამინისტროში ამბობენ, რომ აჭარაში კორონავირუსის გამო, კრიტიკულად მძიმედ, მართვით სუნთქვაზე 8 პაციენტი იმყოფება.

კოვიდკლინიკებში კი 328 პაციენტი მკურნალობს.