შეერთებულმა შტატებმა ავღანეთის სამთავრობო ძალების მხარდასაჭერად ავიადარტყმები განახორციელა, - ინფორმაციას Reuters-ი ავრცელებს.

სააგენტოს ცნობით, პენტაგონის პრესსპიკერმა ჯონ კირბიმ ჟურნალისტებს განუცხადა, რომ ბოლო დღეებში საჰაერო დარტყმები ავღანეთის უსაფრთხოების ძალების მხარდასაჭერად განხორციელდა, თუმცა მას სხვა დეტალებზე არ უსაუბრია.

„თალიბანის“ პრესსპიკერმა ზაბიჰულა მუჯაჰიდმა აღნიშნა, რომ ავიაიერიშები იერიშები ოთხშაბათს ღამით ქალაქ ყანდაჰართან მიიტანეს, რის შედეგადაც სამი მათი მებრძოლი დაიღუპა. მისი თქმით, ეს ქმედება აშშ-სა და „თალიბანს“ შორის მიღწეული შეთანხმების დარღვევაა.

”ჩვენ ვადასტურებთ საჰაერო დარტყმებს უმკაცრესად ვგმობთ, ეს არის აშკარა თავდასხმა და დოჰას გარიგების დარღვევა. თუკი ისინი რაიმე ოპერაციას ჩაატარებენ, შედეგებზე პასუხიმგებელები იქნებიან“, - განაცხადა „თალიბანის“ წარმომადგენელმა.