აჭარაში ვაქცინაციის პროცესი გაფართოვდა და დამატებით 5 კლინიკა ჩაერთო

დღეს ქობულეთში პირველად, „ფაიზერით“ ვაქცინაციის პროცესი დაიწყო. ამის შესახებ ინფორმაციას აჭარის ავტონომიური რესპუბლიკის მთავრობა ავრცელებს.

მათივე ინფორმაციით, იმუნიზაციის პროცესის მიმდინარეობას აჭარის მთავრობის თავმჯდომარე თორნიკე რიჟვაძე და აჭარის ჯანდაცვის მინისტრი ადგილზე გაეცნენ.

თორნიკე რიჟვაძემ კიდევ ერთხელ მოუწოდა მოქალაქეებს რეკომენდაციის დაცვისა და ვაქცინაციის ჩატარებისკენ და აღნიშნა, რომ ვაქცინაცია პანდემიასთან ბრძოლაში ყველაზე ეფექტური იარაღია.

„დღეიდან ინტენსიურად იწყება „ფაიზერით“ ვაქცინაცია. დღეს უკვე შესაძლებელია როგორც ბათუმში, ასევე ქობულეთში ვაქცინაციის პროცესის წარმართვა. გაფართოვდება ამცრელი კაბინეტები და ყველას ექნება ხელმისაწვდომობა როგორც ლიცენზირებულ ვაქცინაზე, ასევე შესაბამის სამედიცინო სერვისზე. მე კიდევ ერთხელ მადლობა მინდა გადავუხადო ჩვენს ამერიკელ პარტნიორებს, ვინაიდან ეს არის ძალიან დიდი მარაგი, რომელიც ჩვენ მივიღეთ. ეს მოგვცემს საშუალებას, რომ ვაქცინაცია წარიმართოს ინტენსიურად. მოსახლეობას, ჩვენს მოქალაქეებს კიდევ ერთხელ მინდა ვთხოვო, რომ მეტი პასუხისმგებლობით ჩაერთონ და ამით ჩვენ შევძლოთ როგორც ჩვენი მოხუცების, ასევე ბავშვების გადარჩენა. ვინაიდან ვაქცინაციით შესაძლებელია, რომ მინიმალური დანაკარგებით გავიმარჯვოთ ამ ბრძოლაში“ - განაცხადა მთავრობის თავმჯდომარემ.

„ქობულეთის მუნიციპალიტეტის ორი სამედიცინო დაწესებულება "ქობულეთის რეგიონული საავადმყოფო" და "ქობულეთის სამედიცინო ცენტრი" დღის განმავლობაში მომსახურებას 300-მდე პირს გაუწევს. თითოეულ დაწესებულებაში ორ-ორი ამცრელი კაბინეტი ფუნქციონირებს. საყოველთაო ვაქცინაციის ფარგლებში, ბათუმშიც გაიზარდა იმ კლინიკების რაოდენობა, რომლებიც განახორციელებენ მოქალაქეების “ფაიზერით" ვაქცინაციას. ჩამონათვალს დაემატა "ევექსის“ ჰოსპიტლები - "ბათუმის რეფერალური საავადმყოფო", "საზღვაო ჰოსპიტალი" და მაღალტექნოლოგიური ჰოსპიტალი "მედცენტრი". ამავე ვაქცინით იმუნიზაციის პროცესი გრძელდება ბათუმის რესპუბლიკურ კლინიკურ საავადმყოფოში. ბათუმში "ფაიზერით" ვაქცინაცია 4 კლინიკაში ჩატარდება. ჯამში, 6 კლინიკაში19 ამცრელი კაბინეტი ფუნქციონირებს“, - ნათქვამია ინფორმაციაში.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია