ევროპის საბჭოს საპარლამენტო ასამბლეის პრეზიდენტი საპარლამენტო უმრავლესობას შეხვდა

ევროპის საბჭოს საპარლამენტო ასამბლეის პრეზიდენტი რიკ დემსი საპარლამენტო უმრავლესობას შეხვდა. როგორც „ქართული ოცნების" თავმჯდომარე ირაკლი კობახიძემ შეხვედრის შემდეგ ჟურნალისტებთან განაცხადა, რიკ დემსთან რეგიონში მიმდინარე მოვლენები, ოკუპაციის პრობლემა, შარლ მიშელის დოკუმენტის შესრულების პროცესი და ქვეყანაში მიმდინარე მოვლენები განიხილეს.

„შეხვედრაზე ვისაუბრეთ ქართული დელეგაციის მუშაობის საკითხებზე ევროპის საპარლამენტო ასამბლეაში. ჩვენ გვაქვს კარგი პრაქტიკა და ჩვენი სურვილია, დელეგაცია კიდევ უფრო აქტიური გახდეს. დელეგაცია მნიშვნელოვან როლს ასრულებს იმაში, რომ ჩვენი ქვეყნის სტრატეგიული ინტერესები დავიცვათ. ჩვენ ასევე რეგიონში მიმდინარე მოვლენებს შევეხეთ, მათ შორის საქართველოს პოტენციურ როლს და ამ მიმართულებით, პრეზიდენტისგან საინტერესო შეთავაზებები მოვისმინეთ. შევეხეთ ოკუპაციას, კონკრეტული საკითხები იყო განხილული და მსჯელობა გაგრძელდება. ჩვენთვის მნიშვნელოვანია, რომ ევროპის საბჭოს საპარლამენტო ასამბლეის უშუალო დაკვირვების ქვეშ იყოს ის პროცესები, რაც წარიმართება ოკუპირებულ ტერიტორიებზე, განსაკუთრებით, ადამიანის უფლებების დაცვისა და სხვა საკითხებზე. ასევე ვისაუბრეთ შიდა პოლიტიკურ მოვლენებზე, რამდენიმე საკითხზე გავამახვილეთ ყურადღება. საუბარი გვქონდა იმაზე, თუ როგორ სრულდება შარლ მიშელის დოკუმენტი, როგორ წარიმართება პოლიტიკური პროცესები, როგორ არჩევნებს ველოდებით. ევროპის საბჭოს საპარლამენტო ასამბლეის საქართველოს დელეგაციას წევრები დაემატება ოპოზიციიდან, ანუ, 10 წევრით იქნება ქართული დელეგაცია წარმოდგენილი და ამ თვალსაზრისით შეივსება. რაც შეეხება თვითმმართველობის არჩევნებს, ჩვენი სურვილია, რაც შეიძლება მეტი დამკვირვებელი ჩამოვიდეს. მიუხედავად იმისა, რომ ეს არჩევნები არის თვითმმართველობის, იმედია, ფართოდ იქნებიან დამკვირვებლები, მათ შორის ევროპის საბჭოს საპარლამენტო ასამბლეიდან წარმოდგენილი", - განაცხადა კობახიძემ.

ირაკლი მელაშვილი - დასავლური კურსი დეკლარირებული გვაქვს, მაგრამ ხელისუფლებას მკაფიოდ აქვს გასაცემი პასუხი კითხვაზე - რატომ ამბობს საქართველო უარს დასავლეთის სამხედრო დახმარებაზე
მამუკა გამყრელიძე - პუტინისთვის საბედისწერო აღმოჩნდა შანხაის  სამიტი, მან სამარყანდში დაინახა, რომ  მარტო დარჩა, ამიტომაც შეცვალა ომის მიზანი
ქართული პრესის მიმოხილვა 03.10.2022
ბორის სოკოლოვი - პუტინს ნებისმიერ ფასად უნდა ომში გამარჯვება, ამაზეა დამოკიდებული მისი პოლიტიკური მომავალი და ფიზიკურად გადარჩენაც, მაგრამ არ ვარ დარწმუნებული, რომ იგი მზადაა, გამოიყენოს თუნდაც ტაქტიკური ბირთვული იარაღი
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა
ქართული ციფრული ბანკების გლობალური აღიარება
ვოლტი ზუგდიდშია