ჟიგიმანტას პავილიონისი - ახლა ვახდენთ პოლიტიკის იმგვარად ფორმულირებას, რომელიც იქნება სიგნალი საქართველოს ხელისუფლებისთვის, რომ დახმარება უპირობო არაა - დასავლეთში თუ აძლევ სიტყვას, რომ გაატარებ რეფორმებს, უნდა გაატარო

ჩვენ ახლა ვახდენთ ჩვენი პოლიტიკის იმგვარად ფორმულირებას, რომელიც იქნება სიგნალი საქართველოს ხელისუფლებისთვის, რომ ჩვენი დახმარება არ არის უპირობო, - ამის შესახებ ლიეტუვის სეიმის საგარეო საქმეთა კომიტეტის თავმჯდომარემ ჟიგიმანტას პავილიონისმა ევროდეპუტატთან ვიოლა ფონ კრამონთან შეხვედრამდე განაცხადა.

მისი თქმით, არის უკვე საუბრები იმასთან დაკავშირებით, რომ დასავლეთის დახმარება საქართველოს მიმართ იყოს კონკრეტულ პირობებზე დამოკიდებული, როგორიც არის რეფორმების განხორციელება.

„ქართული ოცნების“ გადაწყვეტილება არ არის მხოლოდ ჩემთვის შეშფოთების საგანი, ეს არის შეშფოთების საგანი ევროპისა და ტრანსატლანტიკური სივრცისთვის. ჩვენ გვქონდა შეთანხმება ხელმოწერილი ბევრი პარტიის მიერ, მათ შორის, „ქართული ოცნების“ მიერ, რაც არის ერთგვარი საგზაო რუკა საქართველოსთვის, რომ მოხდეს ევროკავშირსა და ტრანსატლანტიკურ ორგანიზაცებში ინტეგრაციისკენ წინსვლა.

ჩვენ ვიმედოვნებთ, რომ ეს შეთანხმება შესრულდება პოლიტიკური სპექტრის ყველა მხარის მიერ. არის გარკვეული საუბრები იმასთან დაკავშირებით, რომ შესაძლოა, ზოგიერთი მიმართულებით ჩვენ გავხადოთ საქართველოს მიმართ ჩვენი დახმარება პირობითობაზე დამყარებული, რომელიც დაეფუძნება რეფორმების შესრულებას, მაგალითად თუ საქართველო არ ატარებს დაპირებულ რეფორმებს სასამართლო სისტემის მიმართულებით, რატომ უნდა დავაფინანსოთ ჩვენ ეს რეფორმები. ასე რომ, ჩვენ ახლა ვახდენთ ჩვენი პოლიტიკის იმგვარად ფორმულირებას, რომელიც იქნება სიგნალი საქართველოს ხელისუფლებისთვის, რომ ჩვენი დახმარება არ არის უპირობო. დასავლეთში თუ შენ ართმევ ხელს და იძლევი სიტყვას, რომ გაატარებ რეფორმებს, შენ უნდა გაატარო ეს რეფორმები და შემდეგ პარტნიორები გენდობიან. იმ შემთხვევაში თუ პარტნიორები არ გენდობიან, როგორ უნდა წავწიოთ წინ საქართველოს მისწრაფებები. ჩვენ გვინდა, რომ საქართველო იყოს ამ რეფომების ჩემპიონი, რაც იმას ნიშნავს, რომ საქართველო უნდა იყოს თანმიმდევრული მისი დაპირებების შესრულებაში,“- განაცხადა ჟიგიმანტას პავილიონისმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს