გიორგი გახარია გუდაურში ადგილობრივ მეწარმეებს და სასტუმროების წარმომადგენლებს შეხვდა

გიორგი გახარია გუდაურში ადგილობრივ მეწარმეებს და სასტუმროების წარმომადგენლებს შეხვდა.

ღონისძიებას გიორგი გახარიასთან ერთად პარტია „საქართველოსთვის" პოლიტიკური საბჭოს წევრები: პოლიტიკური მდივანი კახაბერ ქემოკლიძე, დეპუტატი შალვა კერესელიძე, ბექა ლილუაშვილი და ეკატერინე ვეფხვაძე ესწრებოდნენ. ამის შესახებ ინფორმაციას პარტია „საქართველოსთვის" ავრცელებს.

მათი ინფორმაციით, პარტიის წევრებმა მეწარმეებს პარტიის პროგრამული ხედვის ეკონომიკური მიმართულებები გააცნეს. საუბარი შეეხო სწრაფ, ორნიშნა ეკონომიკურ ზრდას, საშემოსავლო და მოგების გადასახადის ეტაპობრივად 3-წლიან ვადაში შემცირებას. ასევე საუბარი შეეხო დღგ დიფერენცირებული სისტემის დანერგვას, საკვებ პროდუქციაზე დღეს არსებული დღგ განაკვეთის შემცირებას, რაც წაახალისებს სარესტორნო ინდუსტრიას და გაზრდის მოთხოვნას.

ამასთან, საუბარი შეეხო უშუალოდ გუდაურის, როგორც სამთო-სათხილამურო კურორტის განსავითარებლად ერთიანი ადმინისტრაციული ერთეულის შექმნას, მისთვის შესაბამისი ინსტრუმენტების მინიჭებას და დაფინანსების სპეციალური სისტემის დანერგვას. ყურადღება დაეთმო აღნიშნული მექანიზმით კურორტის განვითარების ერთიანი გეგმის განხორციელებას.

ამავდროულად შეხვედრაზე აღინიშნა, რომ აუცილებელია ეკონომიკური კონკურენტუნარიანობის გაძლიერება, „ჯერ ქართულის" პრინციპის დანერგვა.

მეწარმეებთან საუბრის დროს ხაზი გაესვა ახალი რეგიონული პოლიტიკის აუცილებლობას, ტურისტულ საჭიროებებზე მორგებული ინფრასტრუქტურის განვითარებას.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს