როლანდ ბერიძე - მჯერა ჩემი ქედელების, მათი მხარდაჭერის, ჩვენ ერთად ბევრ საქმეს გავაკეთებთ

მჯერა ჩემი ქედელების, მათი მხარდაჭერის და ჩვენი გამარჯვების, ჩვენ ერთად ბევრ საქმეს გავაკეთებთ, - განაცხადა „ქართული ოცნების“ ქედის მერობის კანდიდატმა როლანდ ბერიძემ წარდგენაზე. მერობის კანდიდატმა გამოცხადებული ნდობისთვის მადლობა გადაუხადა „ქართული ოცნების“ გუნდს.

„ძალიან კარგად ვაცნობიერებ, რაოდენ დიდი პასუხისმგებლობა დამეკისრა. თუმცა, ამავდროულად, ვიცი, თუ რაოდენ სასიამოვნოა ის მომენტი, როცა შეგიძლია შენს გუნდთან ერთად, შენი ხალხისთვის, შენი რეგიონისთვის, შენი მუნიციპალიტეტისთვის საქმეები აკეთო. მე მჯერა, რომ ჩვენ ერთად ბევრ საქმეს გავაკეთებთ.

ბოლო 4 წლის განმავლობაში როგორც ჩვენი გუნდი, ასევე მეც აქტიურად ვიყავით ჩართულები მოქალაქეებთან კომუნიკაციაში. ჩვენ ერთად ვიღებდით გადაწყვეტილებებს, თუ სად რა პრობლემა იყო გადასაწყვეტი და ერთად ვპოულობდით ამ პრობლემების მოგვარების გზებს. აქედან გამომდინარე, კარგად ვიცი, მომავალში რა უნდა გავაკეთო იმისთვის, რომ ჩვენი ქედა იყოს უფრო ლამაზი, უფრო კარგი და მიმზიდველი.

მე მჯერა ჩემი ქედელების, მათი მხარდაჭერის და ჩვენი გამარჯვების, ერთი წამით არ მეპარება ეჭვი რომ პირველივე ტურში გავიმარჯვებთ. ქედელებს მინდა მივმართო, თქვენ ნახეთ ბოლო წლების განმავლობაში თქვენი აქტიური ჩართულობით ბევრი პროექტი კეთდება და იმედს ვიტოვებ, რომ მომავალი 4 წელი თქვენი აქტიური ჩართულობით ჩვენ ქედას ბევრ საქმეს გავუკეთებთ.

მადლობა მინდა გადავუხადო ჩემს ოჯახს, მეუღლეს ჩემს კოლეგებს, ჩემს ახლობლებს, საზოგადოებას მხარდაჭერისა და გვერდში დგომისთვის.

მინდა წარმოგიდგინოთ მაჟორიტარი დეპუტატობის კანდიდატები: ოთარ ხარაძე, მერაბ ნაკაშიძე, ამირან წულუკიძე, ვაჟა აბულაძე, მამუკა გოგოლიშვილი, ჯიმშერ სამნიძე, ლევან ვერძაძე“, - განაცხადა როლანდ ბერიძემ.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება