ამირან გამყრელიძე - როცა მოსახლეობის დიდ ნაწილს ავცრით ორჯერადად, მაშინ მიზანშეწონილი იქნება მესამე დოზაზე საუბარი

„როდესაც ჩვენი მოსახლეობის დიდ ნაწილს ავცრით ორჯერადად, მაშინ, რა თქმა უნდა, მიზანშეწონილი იქნება მესამე დოზაზე საუბარი“,- ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ "ფეისბუქ ლაივში", "ბუსტერ" დოზასთან დაკავშირებით დასმული კითხვის საპასუხოდ აღნიშნა.

როგორც გამყრელიძე აცხადებს, „ბუსტერ“ დოზასთან დაკავშირებით გადაწყვეტილება გვიან შემოდგომაზე გახდება ცნობილი.

„მხოლოდ რამდენიმე ქვეყანამ გააჟღერა „ბუსტერის“ ინიციატივა და დაიწყო. არაბთა გაერთიანებულმა საამიროებმა, ისრაელმა, ამერიკის შეერთებული შტატები იღებს ახლა გადაწყვეტილებას, რომ მეორე აცრიდან 8 თვის შემდეგ „ბუსტერი“ გააკეთონ. ამ ქვეყნებს, რომელიც მე დავასახელე, ორჯერადად აცრილი ჰყავთ მოსახლეობის 60%. ჩვენ, როდესაც ჩვენი მოსახლეობის დიდ ნაწილს ავცრით ორჯერადად, მაშინ, რა თქმა უნდა, მიზანშეწონილი იქნება მესამე დოზაზე საუბარი. მოდი, ჯერ მესამე დოზით ნუ წავართმევთ ადამიანებს ვაქცინას, ვისაც 2 დოზა სჭირდება. ვაქცინის საკმარისი რაოდენობა არის ჩვენთან, თანდათანობით შემოდის, მაგრამ ამ საკითხზე მოდით ოქტომბრის ბოლოს, ნოემბრის დასაწყისში ვისაუბროთ.

ჩემი აზრით, ამ პანდემიის დროს, „ბუსტერი“ საჭირო გახდება. ჯერ, არ არის იმის მტკიცებულება, რომ ეს 6-8-10 თვის შემდეგ იქნება. შესაბამისად, საერთშორისო პრაქტიკის გამოცდილებით მივიღებთ ამ გადაწყვეტილებას გვიან შემოდგომაზე“, -აღნიშნავს გამყრელიძე.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს