ლიბერთის სოციალურ  ბარათებზე პინ კოდის ვადა 1-ელ ნოემბრამდე გაგრძელდა

ლიბერთის სოციალურ ბარათებზე პინ კოდის ვადა 1-ელ ნოემბრამდე გაგრძელდა ქვეყანაში COVID 19 პანდემიით გამოწვეული ვითარებისა და დაწესებული შეზღუდვების გამო, ლიბერთი საპენსიო და სხვა სოციალური ბარათების პინ კოდის მოქმედების ვადას კიდევ ერთხელ ახანგრძლივებს. კერძოდ, ლიბერთის და სოციალური მომსახურების სააგენტოს ერთობლივი გადაწყვეტილებით, იმ მომხმარებლებს, რომელთა საპენსიო თუ სხვა სოციალური ბარათების პინ კოდის მოქმედების ვადა 1 აგვისტოდან 31 ოქტომბრამდე პერიოდში იწურება, ეს ვადა ავტომატურად გაუგრძელდებათ 1 ნოემბრამდე და ბარათების მფლობელებს არ მოუწევთ ბანკის ფილიალებში ვიზიტი პინ-კოდის გასაახლებლად.

„ჩვენ ვითვალისწინებთ ქვეყანაში შექმნილი ეპიდემიოლოგიური ვითარებიდან გამომდინარე, ჩვენი მომხმარებლების საჭიროებებს და ყოველთვის ვზრუნავთ მათ უსაფრთხოებაზე.

შესაბამისად, კიდევ ერთხელ გადავწყვიტეთ, რომ ლიბერთის სოციალური ბარათის მფლობელებმა ბანკში ვიზიტის გარეშე, შეუფერხებლად შეძლონ როგორც ბანკომატით, ისე გადახდის ტერმინალებით სარგებლობა“, - განაცხადა ლიბერთის გენერალურმა დირექტორმა, ვასილ ხოდელმა.

მომხმარებელთა უსაფრთხოების მიზნით, პანდემიის პერიოდში ლიბერთიმ დანერგა გადახდის ტერმინალიდან თანხის გატანის ინოვაციური სერვისი, რომელიც სოციალური ბარათის მფლობელებს საშუალებას აძლევს საკუთარი ანგარიშიდან მიიღონ 50 ლარამდე თანხა ბანკში ვიზიტის გარეშე, "ნიკორა" სუპერმარკეტის ქსელის, "პსპ", "ავერსი" და "ფარმადეპოს" ყველა აფთიაქის გადახდის ტერმინალების საშუალებით.

გარდა ამისა, საპენსიო და სხვა სოციალური ბარათების მფლობელები განსაკუთრებული შეღავათებით სარგებლობენ: ლიბერთის სოციალური პასუხისმგებლობის პროგრამის #ლიბერთიგულით ფარგლებში, სოციალური ბარათით გადახდისას, სპეციალური ფასები მოქმედებს ევექსი კლინიკებში, ფარმადეპოს აფთიაქებსა და ნიკორა სუპერმარკეტის ქსელში, მთელი საქართველოს მასშტაბით.

(R)

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა