ირაკლი ღარიბაშვილი - ასეულობით მილიონი ლარის ინვესტიცია და რეალურად საჩუქარი განახორციელა ფონდმა „ქართუმ“ და ივანიშვილმა გურულებისთვის და მთელი საქართველოსთვის

ტურიზმის მიმართულებით გურიას აქვს უზარმაზარი პოტენციალი. ჩვენ ვაპირებთ კიდევ უფრო მეტი პროექტის დაფინანსებას, რომელიც ხელს შეუწყობს ეკოტურიზმის, აგროტურიზმის განვითარებას, - ამის შესახებ საქართველოს პრემიერ-მინისტრმა ირაკლი ღარიბაშვილმა, „ქართული ოცნების“ ოზურგეთის მერობის კანდიდატის ავთანდილ თალაკვაძის წარდგენის ღონისძიებაზე სიტყვით გამოსვლისას განაცხადა.

მთავრობის მეთაურმა აღნიშნა, რომ ასეულობით მილიონი ლარის ინვესტიცია და რეალურად საჩუქარი განახორციელა ფონდმა „ქართუმ“ და ბიძინა ივანიშვილმა გურულებისთვის და მთელი საქართველოსთვის.

„ფონდი „ქართუ“ ვახსენე და მინდა ასევე მადლიერებით აღვნიშნო ის მნიშვნელოვანი პროექტები, რომელიც ამ მხარეში განხორციელდა, კერძოდ, შეკვეთილში, დენდროლოგიური პარკის მშენებლობით, მართლაც უნიკალური პარკის გახსნით, ასევე BLACK SEA ARENA, ასევე შეკვეთილი, მინიატურული საქართველოს მართლაც უნიკალური პარკი. ასეულობით მილიონი ლარის ინვესტიცია და რეალურად საჩუქარი განახორციელა ფონდმა „ქართუმ“ და ბიძინა ივანიშვილმა გურულებისთვის და მთელი საქართველოსთვის.

ჩვენ ახლა ვემზადებით მოახლოებული არჩევნებისთვის. თვითმმართველობის არჩევნებზე ჩვენ ვირჩევთ მერს, რომელიც მოემსახურება ჩვენს მოსახლეობას. ჩემს წინა გამოსვლებში მითქვამს და მინდა გავიმეორო, რომ ყველა, ვინც ჩართულია საჯარო სამსახურში, იქნება ეს პრემიერ-მინისტრი, გუბერნატორი, მერი, პარლამენტის წევრი, თუ ა.შ. ყველანი უნდა ვიყოთ ხალხის სამსახურში 24 საათის განმავლობაში, ვინაიდან არჩეული მერი არის ხალხის მსახური, უნდა მოემსახუროს მოსახლეობას. მერი უნდა შევიდეს ყველა უბანში, სოფელში და ადგილზე გადაუწყვიტოს ჩვენს მოქალაქეებს რეალური პრობლემები და რეალური გამოწვევები. ეს უნდა იყოს ჩვენი მთავარი საზრუნავი და არა უსაგნო, უშინაარსო პოლიტიკური ლანძღვა-გინება, - აღნიშნა პრემიერ-მინისტრმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს