კახა კუჭავა - ჩოხატაური ტურისტული მიზიდულობის ცენტრი უნდა გახდეს, რომელიც არა მხოლოდ შიდა, არამედ გარე ტურიზმისთვის ერთ-ერთი მთავარი ადგილი იქნება

ჩოხატაური ტურისტული მიზიდულობის ცენტრი უნდა გახდეს, რომელიც არა მხოლოდ შიდა, არამედ გარე ტურიზმისთვის ერთ-ერთი მთავარი ადგილი იქნება, - ამის შესახებ პარლამენტის თავმჯდომარემ კახა კუჭავამ ჩოხატაურში „ქართული ოცნების" მერობის კანდიდატის დავით შარაშიძის წარდგენაზე სიტყვის გამოსვლისას განაცხადა.

მისი თქმით, ბევრი მნიშნელოვანი ადგილია, რომელიც აუცილებლად უნდა რეაბილიტირდეს და მოიზიდოს როგორც საქართველოს მოქალაქეები, ასევე უცხოელები.

„საქართველოს თითოეული მუნიციპალიტეტი გამორჩეულია თავისი სილამაზით. ჩოხატაურში რომ ამოხვალ და გადახედავ მთა-ბარს, ნახავ როგორი განსხვავებულია თავისი ლანდშაფტით, გარემოთი. მას უდიდესი პოტენციალი აქვს და იგი უნდა გახდეს ტურისტული მიზიდულობის ცენტრი, რომელიც არა მხოლოდ შიდა, არამედ გარე ტურიზმისთვის იქნება ერთ-ერთი მთავარი ადგილი.

კურორტები, რომელზეც ჩვენ ვსაუბრობთ, ცნობილია არა მხოლოდ საქართველოში, არამედ საზღვრებს გარეთაც - ბახმარო, გომის მთა, ის სილამაზე, რომელზეც ბევრი წერს, ფოტოებს იღებენ ტურისტები მსოფლიოს სხვადასხვა ქვეყნიდან და ავრცელებენ, აუცილებელია კიდევ უფრო განვავითაროთ. ვიცი, რომ სტატუსი უკვე მიენიჭა ბახმაროს, გენგეგმაც შემუშავებულია. პრობლემები და გამოწვევები, რომელიც ჯერ კიდევ არსებობს, უნდა აღმოიფხვრას - განაშენიანების კუთხით, სტანდარტების დაცვის კუთხით, აუცილებელია ვიზრუნოთ გარემოზე, რაც ნიშნავს იმ ლანდშაფტის, ტყეების მოვლას, რაც ამ გარემოსთვის მიკროკლიმატს ქმნის და რა თქმა უნდა, ბევრი ინფრასტრუქტურული პროექტი, რაც დამატებით მოსდევს ტურიზმს. ეს ულამაზესი სასახლე, რომელიც გარემონტდა, სადაც პირველად ვარ და ძალიან მომეწონა. ვიცი, რომ ბევრი სხვა მნიშნელოვანი ადგილია, რომელიც აუცილებლად უნდა რეაბილიტირდეს და მოიზიდოს პირველ რიგში, საქართველოს მოქალაქეები და ჩვენი უცხოელი მეგობრები.

ეს მხარე, გამორჩეულია ბუნებრივი რესურსებით, სოფლის მეურნეობის კუთხით ძალიან ბევრი პროექტი განხორციელდა.

აქ ყველანაირი შესაძლებლობა არსებობს იმისთვის, რომ ხელი შევუწყოთ ადგილობრივ მოსახლეობას, რათა კიდევ უფრო აქტიურები იყვნენ ამ მიმართულებით.

ჩვენ აუცილებლად გავიმარჯვებთ და გვეყოლება ძლიერი გუნდი, ძლიერი საკრებულო. მოლოდინი გვაქვს, რომ თითოეულ ჩოხატაურელს მიეცემა საშუალება, ჩაერთოს გადაწყვეტილების მიღების პროცესში, განსაკუთრებით ახალგაზრდებს, რომლებიც ძალიან ამბიციური, ნიჭიერი ადამიანები არიან. მათ ესმით პოლიტიკა, მმართველობა და ვიცი, რომ ეს შესაძლებლობა მიეცემათ იმ ახალგაზრდა გუნდის მეთაურობით, რომელიც წარმოდგენილია თვითმმართველობის არჩევნებზე", - განაცხადა კუჭავამ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს