ფოთის მერიასთან, ჯავახიშვილის ქუჩაზე მცხოვრებმა კომპაქტურად ჩასახლებულმა დევნილებმა აქცია გამართეს

ფოთის მერიასთან, ჯავახიშვილის ქუჩაზე მცხოვრები კომპაქტურად ჩასახლებული დევნილები შეიკრიბნენ. ისინი ხელისუფლების წარმომადგენლებთან შეხვედრას ითხოვდნენ. მათი განცხადებით, პორტის ტერიტორიაზე ღია წესით ისეთი ტვირთების დამუშავება ხორციელდება, რაც ადგილობრივების ჯანმრთელობას ზიანს აყენებს. კომპაქტურ დასახლებაში მცხოვრები 100-მდე ოჯახი აღნიშნული ზონიდან გასახლებას მოითხოვს, პარალელურად კი საკუთარი უფლებების დაცვას სასამართლოში ცდილობენ. შეკრებილებმა ხელისუფლებას პრობლემის მოსაგვარებლად 3 - დღიანი ვადა განუსაზღვრეს.

„სამი წელია ეს პრობლემა არსებობს და ამ დრომდე მოგვარებული არ არის. უკვე ვერ ვუძლებთ, ბავშვებს ტყვიის შემცვლელობა ძალიან მაღალი აქვთ. უმძიმესი მდგომარეობაა. სხვა გამოსავალს არ გვიტოვებენ. უნდა გამოვიდეთ ქუჩაში, მაინც ვკვდებით და რა მნიშვნელობა აქვს სად ვიქნებით.

სამ დღეს ვაძლევთ ხელისუფლებას, რომ მოვიდნენ და გვითხრან რას გვიპირებენ. აქ მცხოვრებლები ვითხოვთ კომპენსაციას, რათა ალტერნატიული საცხოვრებელი შევიძინოთ“, - განაცხადა ჯავახიშვილის ქუჩის მცხოვრებმა ვეფხვია გულედანმა.

მოგვიანებით შეკრებილებმა ჯავახიშვილის ქუჩაზე გადაინაცვლეს, სადაც მათ ფოთის ვიცე - მერი ზაქრო გვრიტიშვილი შეხვდა. როგორც მან აღნიშნა, არსებულ პრობლემას გაეცნობა, შეისწავლის აქამდე გაკეთებულ ყველა დასკვნას და ადგილობრივებთან ერთად განიხილავს.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს