კახა ოქრიაშვილი არჩევნების გადადებაზე მსჯელობის დაწყებასთან დაკავშირებით საგანგებო განცხადებას ავრცელებს

„ქართულმა ოცნებამ“ თავისი სატელიტი პოლიტიკური ძალების მეშვეობით, რომლებიც არ წარმოადგენენ რეალურ ოპოზიციას, მოსახლეობას „შემოუგდო“ წინადადება, არჩევნების გადადებასთან დაკავშირებით და მერე თავადვე უპასუხა ამ წინადადებას, რომ არ აპირებს არჩევნების გადადებას, რადგან ოპოზიციამ წინასწარ იცის, რომ მარცხდება.

არჩევნების გადადება-არგადადების საკითხი ეპიდემიოლოგების გადასაწყვეტია და არა პოლიტიკოსების!

რა მოცემულობა გვაქვს დღეს - „ქართულმა ოცნებამ“ კიდევ ერთხელ გვაჩვენა, რომ ან განზრახ უწყობს ხელს ვირუსის გავრცელებას და შეგახსენებთ მათ მიერ ბიუჯეტიდან დაფინანსებულ კონცერტებს, ბათუმში გადავსებულ სტადიონს, რეგულაციების, მათ შორის, პირბადის ტარების იგნორირებას და ა.შ. ან „ოცნების“ ჩვეული უუნარობის შედეგებია, რომ მსოფლიოში პირველ ადგილზე ვართ ვირუსის გავრცელებით და სიკვდილიანობით. არსებული სიტუაცია ჩემთვის გასაკვირი არც არის, რადგან ამ 9 წლის განმავლობაში, „ოცნება“ ყველა საკითხის მენეჯმენტში ბოლო ადგილზეა - ისინი ჩემპიონები არიან საგარეო პოლიტიკის, ეკონომიკის, ლარის კურსის და ყველა სხვა საკითხის ანტი-მენეჯმენტში.

მიმაჩნია, რომ ქვეყანაში რაც შეიძლება სწრაფად უნდა ჩატარდეს რეფერენდუმიც და ვადამდელი საპარლამენტო არჩევნებიც, ეპიდემიოლოგიური ვითარების გათვალისწინებით, რათა ეს არაკომპეტენტური, კორუმპირებული, თაღლითი ხელისუფლება კომპეტენტური, პროგრესული და პროფესიონალური მთავრობით შეიცვალოს.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს