სოფელ თხილნარაში გზის გაწმენდითი სამუშაოები მიმდინარეობს. ამის შესახებ ინფორმაციას გორის მერია ავრცელებს.

სამუშაოები სოფლის მხარდაჭერის პროგრამის ფარგლებში ხორციელდება.

გარდა თხილნარასი, აღნიშნული პროგრამის ფარგლებში ბოშურის ტერიტორიულ ორგანოში გზები კიდევ 4 სოფელში- ტუსრევში, ყველაანთუბანში, გაგლოაანთუბანსა და ლევიტატანაშიც გაიწმინდება.

საპროექტო მონაკვეთების სიგრძე ჯამში 10 კილომეტრამდეა. სამუშაოების ღირებულება 50 ათასი ლარია.

მათივე ცნობით, სამუშაოების დასრულების შემდეგ, აღნიშნულ მთის სოფლებში არსებულ გზებზე გადაადგილებისას პრობლემები აღარ შეიქმნება.

„2021 წელს სოფლის მხარდაჭერის პროგრამის ფარგლებში ადგილობრივი მოსახლეობის მიერ ხმათა უმრავლესობით შერჩეული პროექტები 120 სოფელში განხორციელდება.

სამუშაოებისთვის რეგიონებში განსახორციელებელი პროექტების ფონდიდან 1 596 000 ლარი გამოიყო.

სოფლის მხარდაჭერის პროგრამის მიზანია სოფლებში სოციალურ-ეკონომიკური საჭიროებების დაფინანსება და გადაწყვეტილების მიღების პროცესში ადგილობრივი მოსახლეობის ჩართულობის უზრუნველყოფა,“- აღნიშნულია ინფორმაციაში.