შეღავათიანი აგრო სესხი აგრო ტექნიკისთვის ტერაბანკისგან

ამიერიდან დაინტერესებულ პირებს სასოფლო-სამეურნეო ტექნიკის შეძენა ტერაბანკის შეღავათიანი აგრო კრედიტით შეეძლებათ.

ბანკი სოფლის განვითარების სააგენტოს სასოფლო-სამეურნეო მექანიზაციის თანადაფინანსების სახელმწიფო პროგრამაში უკვე ჩაერთო და მასში მონაწილე ფიზიკურ თუ იურიდიულ პირებს აგრო კრედიტით სარგებლობას შესთავაზებს. პროგრამის ფარგლებში, სააგენტო მსურველებს გრანტის სახით თანხის 30%-35%-ს გამოუყოფს, დანარჩენილ ნაწილს ტერაბანკი შეღავათიანი აგრო კრედიტით დააფინანსებს, ამ თანხის წლიური პროცენტის 8%-ს კი 48 თვის განმავლობაში სახელმწიფო დამატებით დააფინანსებს.

აღსანიშნავია, რომ ტერაბანკი მსესხებლებს მოქნილ გრაფიკსაც შესთავაზებს. შეღავათიანი აგრო კრედიტით სარგებლობა ბანკის როგორც არსებულ, ისე ახალ მომხმარებლებს მთელი საქართველოს მასშტაბით შეეძლებათ.

„აგრო ტექნიკის შეძენა დიდ თანხებთან არის დაკავშირებული, ამიტომ ვფიქრობთ, პროგრამა ძალიან კარგი შესაძლებლობა იქნება ამ სექტორში დასაქმებული ფიზიკური თუ იურიდიული პირებისთვის. მოხარულები ვართ, რომ სასოფლო-სამეურნეო ტექნიკის ხელმისაწვდომობის გაზრდაში ჩვენც ვიღებთ მონაწილეობას“, - აცხადებენ ტერაბანკში.

პროგრამაში მონაწილეობისთვის მსურველებს სამი ეტაპის გავლა მოუწევთ. პირველი ეტაპი, რომელიც რეგისტრაციას გულისხმობს, 1 სექტემბერს, 12:00 საათიდან, www.rda.gov.ge -ზე დაიწყება. მეორე ეტაპი სტარტს 15 სექტემბერს, 12:00 საათიდან აიღებს და ამ დროიდან პროგრამაში უკვე განაცხადების წარდგენაც გახდება შესაძლებელი, დოკუმენტაციის ატვირთვას კი მონაწილეები 20 სექტემბერს, 00:01 საათიდან შეძლებენ. თითოეული ეტაპის დაწყებამდე www.rda.gov.ge-ზე გამოქვეყნდება ვიდეო ინსტრუქციები, რომლებიც დაინტერესებულ პირებს მათ გავლას გაუმარტივებს.

პროგრამა მთელი საქართველოს მასშტაბით ხორციელდება. მის შესახებ დაწვრილებითი ინფორმაციის გაცნობა სოფლის განვითარების სააგენტოს ვებგვერდზეა შესაძლებელი: https://bit.ly/2XVeMQm

(R)

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა