ახლობლების ინფორმაციით, სოფელ ბადიაურში დაჭრილი შუახნის მამაკაცის მდგომარეობა დამძიმდა

საგარეჯოს მუნიციპალიტეტში, სოფელ ბადიაურში დაჭრილი შუახნის მამაკაცის მდგომარეობა დამძიმდა, - ამის შესახებ “ინტერპრესნიუსს” დაჭრილის ნათესავმა განუცხადა.

მისივე ინფორმაციით, 27 აგვისტოს, გამთენიისას მამაკაცს ოპერაცია ჩაუტარდა, თუმცა ამ დროისთვის მისი მდგომარეობა ძალიან მძიმეა. გავრცელებული ინფორმაციით, შელაპარაკება სავარაუდოდ, სასიყვარულო შეტყობინების გამო დაიწყო, რომელიც დაჭრილმა, ბრალდებულის ძმის ცოლს მიწერა.

„მდგომარეობა არის ძალიან მძიმე. დილას, 27 აგვისტოს ჩაუტარდა გადაუდებელი ოპერაცია თავის არეში და ამის შემდეგ იმყოფება კომაში, სუნთქვით აპარატზე და მდგომარეობა ძალიან მძიმეა.

ჭრილობა აქვს მიყენებული სანადირო თოფით. მისმა მეგობარმა ისროლა, ზუსტად ამ იარაღით. ეს არის სანადირო თოფი და როგორც ჩვენ ვიცოდით, საფანტი გაფანტული იყო მთელს თავის არეში.

უთანხმოება არ ვიცი ზუსტად როდის დაიწყო. საკმაოდ ახლო მეგობრები იყვნენ და ამბობენ, რომ უთანხმოება მოუვიდათ იმაზე, რომ ამ ბიჭს, ვინც ახლა მძიმედ არის, მიუწერია სასიყვარულო შეტყობინება თავისი მეგობრის ძმის ცოლისთვის. სწორედ აი, ამ მეგობარმა დაჭრა, რომლის რძალიც არის ის გოგო, ”- განაცხადა დაჭრილის ნათესავმა.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს