ხელვაჩაურში, სოფელ შარაბიძეებში მოსახლეობა საპროტესტო აქციას მართავს. როგორ შეკრებილები აცხადებენ, სოფელში მტვერი და ხმაური აწუხებთ, რომელსაც ცემენტის ქარხნები იწვევს. აქციის მონაწილეებმა სოფელთან დამაკავშირებელი გზა ველოსიპედებითა და საბავშვო ეტლებით გადაკეტეს.
"ჩვენი მთავარი მოთხოვნაა ფილტრების დაყენება მოხდეს, ამასთან ხმაური გააკონტროლონ, ღამე ამ პრობლემების გამო არ გვძინავს. მტვერის გამო შესაძლოა ჯანმრთელობის პრობლემები შეგვექმნას. ამის თაობაზე მერიას განცხადებით ვაცნობეთ, თუმცა პრობლემა ისევ არსებობს, ყურადღებას არ გვაქცევენ",- აცხადებენ აქციის მონაწილეები.