ქუთაისის საფეხბურთო კლუბ "ტორპედოს" ახალი მფლობელი ჰყავს

ქუთაისის საფეხბურთო კლუბ " ტორპედოს" ახალი მფლობელი ჰყავს. ქუთაისის მერიის ინფორმაციით, 27 აგვისტოს, გამჭვირვალე და მიუკერძოებელი ელექტრონული აუქციონის ფორმით, მერიამ განახორციელა მისსავე საკუთრებაში არსებული შპს „საფეხბურთო კლუბი ტორპედო ქუთაისის“ განკარგვა.

აუქციონი 1-ელ სექტემბერს დასრულდა. 577 017 ლარად კლუბი ა(ა)იპ „ნიუ ვიჟენ უნივერსიტეტის“ (აკადემიური საბჭოს თავმჯდომარე დავით კერესელიძე) მფლობელობაში გადავიდა.

ქუთაისის მერის, იოსებ ხახალეიშვილის განცხადებით, გუნდის გადასარჩენად, განვითარებისთვის ჩატარდა აუქციონი.

"ტორპედოს " ახალი მფლობელი ჰყავს. ჩვენ მუდმივად ვცდილობდით მოგვეძებნა ოპტიმალური ვარიანტი გუნდის გადასარჩენად და მისი განვითარებისთვის. სწორედ ამ მიზნით ჩატარდა აუქციონი და "ტორპედოს" ახალი მეპატრონეც გამოვლენილია.

წარმატებებს ვუსურვებთ საფეხბურთო კლუბ "ტორპედოს" და მის ახალ მფლობელებს!

მჯერა, ჩვენი ფეხბურთელები კიდევ ბევრჯერ გაგვახარებენ",- აცხადებს ქუთაისის მერი იოსებ ხახალეიშვილი.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს