ირაკლი ქარსელაძე - ზესტაფონის, როგორც ინდუსტრიული ცენტრის მნიშვნელობა კიდევ უფრო გაიზრდება

„ზესტაფონი ყოველთვის იყო ინდუსტრიული ცენტრი, დღეს მისი მნიშვნელობა კიდევ უფრო გაიზარდა. ვაშენებთ აღმოსავლეთ-დასავლეთის დერეფანს, სადაც ერთ-ერთი გადამწყვეტი სწორედ შორაპანი-არგვეთას მონაკვეთია, მეოთხე მონაკვეთს აქვს უკიდურესად დიდი მნიშვნელობა იმისთვის, რომ ზესტაფონი განიტვირთოს მოძრაობისგან. ჩვენ აქტიურად ვმუშაობთ რომ ეს მონაკვეთიც ეტაპობრივად დავაჩქაროთ და უფრო ადრე შევიდეს ექსპლუატაციაში“, - განაცხადა რეგიონული განვითარებისა და ინფრასტრუქტურის მინისტრმა ირაკლი ქარსელაძემ ზესტაფონში ,,ქართული ოცნების“ კანდიდატის წარდგენაზე.

მინისტრმა ისაუბრა ზესტაფონში აღმაშენებლის გამზირის რეაბილიტაციაზე და ახსნა მისი გაჭიანურებული სამუშაოების მიზეზები - შეიცვალა მიწისქვეშა ინფრასტრუქტურა, რომელიც წლების განმავლობაში არ შეცვლილა.

მისი თქმით, 324 კმ მაგისტრალური გზა აშენდება უკვე 2025 წლისთვის და 2030 წლისთვის 760 კმ მაგისტრალური ინფრასტრუქტურა იქნება დასრულებული, რაც თავის მხრივ ქვეყანას სრულიად სხვა ინფრასტრუქტურულ სიბრტყეში გადაიყვანს, მოგვცემს ტურიზმის, ახალი მიზიდულობის ცენტრების, ინდუსტრიის, მცირე და საშუალო ბიზნესის განვითარების შესაძლებლობას.

,,რაც შეეხება წყალს, ამჟამად 150 მდებარეობაზე მიმდინარეობს ჩვენი პროექტები წყალმომარაგების უზრუნველყოფისთვის. 360 ათას ადამიანს გაუუმჯობესდება წყალმომარაგება, საიდანაც 200 ათასს ცენტრალიზებული წყალმომარაგება აქამდე არ ჰქონია. ზესტაფონი დაწინაურებულია ამ მიმართულებით. 2025 წლის ბოლოსთვის ჩვენი შესაბამისი გეგმის და სტრატეგიის მიხედვით ზესტაფონს ექნება 24 საათიანი წყალმომარაგება .

რა თქმა უნდა, გამოწვევად რჩება ზესტაფონის მიმდებარე სოფლები ,ესეც გათვალისწინებული გავქვს, ჩვენი სტრატეგიის მიხედვით, 2030 წლისთვის საქართველოს ყველა სოფელს და ქალაქს ექნება სტანდარტის შესაბამისი წყალმომარაგება. ამბიციური გეგმაა, 9 მილიარდი ლარი არის ჩვენი წინასწარი შეფასებით რაც დასჭირდება წყალმომარაგებას და წყალარინებას, მაგრამ ამაზე უკვე გაგვაჩნია კონკრეტული სამოქმედო გეგმა“, - განაცხადა ირაკლი ქარსელაძემ.

ზესტაფონის პოტენციალზე საუბრისას ირაკლი ქარსელაძემ აღნიშნა პრემიერ-მინისტრის ინიციატივით სახელმწიფო პროგრამა ,,განახლებული რეგიონების“ მნიშვნელობა, რომლის მიხედვითაც განახლდება აღმაშენებლის უბანი.

გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რამაზ საყვარელიძე - ჩვენთვის კანდიდატის სტატუსის მოცემა მსოფლიოს ახალ პოლიტიკურ  სქემებზეა  დამოკიდებული და არა ჩვენი ოპოზიციის მიერ ევროპისთვის  შეშველებულ  12 პუნქტზე
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს