ირაკლი ღარიბაშვილი - მახსენდება 2004 წლის 17 ოქტომბერი, როცა პირველად შევხვდი ბატონ ბიძინა ივანიშვილს აქ, მის სახლში, მას შემდეგ ძალიან ბევრი საქმე განვახორციელეთ და  ბევრი გამოცდილება მივიღე, რისთვისაც ყოველთვის ვიქნები მადლიერი

ვთქვათ გულწრფელად, მართლაც ამაღელვებელია და განსაკუთრებული გრძნობაა, როდესაც იმყოფები იმ ადამიანის მშობლიურ მხარეში, რომელთანაც დაიწყე, რეალურად ისწავლე მუშაობა; ჩვენ მართლაც ვისწავლეთ მუშაობა და ის უნარები შევიძინეთ, რაც შემდგომ საქმიანობაში გამოგვადგა, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების“ საჩხერის მერობის კანდიდატის, ლევან ივანაშვილის წარდგენისას განაცხადა.

მთავრობის მეთაურმა ბიძინა ივანიშვილთან პირველი შეხვედრა გაიხსენა და აღნიშნა, რომ „ქართული ოცნება“ დამაჯერებლად გაიმარჯვებს ყველა ქალაქსა და მუნიციპალიტეტში, ხოლო საჩხერე, როგორც ყოველთვის, რეკორდსმენი იქნება.

„მახსენდება 2004 წლის 17 ოქტომბერი, როცა პირველად შევხვდი ბატონ ბიძინა ივანიშვილს აქ, მის სახლში და სწორედ მას შემდეგ ძალიან ბევრი საქმე განვახორციელეთ და ძალიან ბევრი გამოცდილება მივიღე, რისთვისაც მე პირადად ყოველთვის ვიქნები მადლიერი და ეს მინდა, კიდევ ერთხელ აღვნიშნო. ჩვენ მოვისმინეთ სიმართლე, ეს არ არის მხოლოდ ლიტონი სიტყვები და ვიღაცის მოსატყუებლად ნათქვამი, მოგონილი ისტორიები. ჩვენ სიმართლეს ვლაპარაკობთ, ვლაპარაკობთ გულიდან და ვეუბნებით ჩვენს ხალხს იმასა, რაც არის, ყოველგვარი შელამაზების გარეშე. ეს არის ჩვენი ხელწერა და ასეთი ხალხი ვართ ჩვენ. ამიტომაც, გვჭირდება ძლიერად გამარჯვება. ყველა ქალაქში, ყველა მუნიციპალიტეტში გავიმარჯვებთ და გავაგრძელებთ ჩვენი ქვეყნის მსახურებას და ჩვენი ქვეყნის გაძლიერებას. ბატონ ბენიამინ ფალავანდიშვილს მადლობა გაწეული სამსახურისთვის და წარმოგიდგენთ ჩვენს კანდიდატს, ბატონ ლევან ივანაშვილს. პირველივე დღეებიდან ლევანი იყო ჩართული „ქართული ოცნების“ გამარჯვების საქმეში. ძალიან მაგარი, მეურნე კაცი, საჩხერეს უყვარს ლევანი, ლევანს უყვარს საჩხერე და ვიცი, რომ იგი ბოლომდე დაიხარჯება საჩხერლებისთვის. წარმატება და გამარჯვება, ეჭვი არ გვეპარება, რომ ისევე, როგორც ყოველთვის, რეკორდსმენი იქნება საჩხერე“, - განაცხადა ირაკლი ღარიბაშვილმა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა